Великомученица Параскева (нач. III в.). Празднование 10 ноября

Великомучечница Параскева, нареченная Пятница (нач. III в.)
Празднование 10 ноября

Параскева была дочерью богатого сенатора-христианина из г. Икония, столицы древней Ликаонии в Малой Азии (ныне г. Конья, Турция). Это место проповеди святого апостола Павла (город упоминается в Деяниях апостолов 13:51;14:1;16:1—2) и образования одной из древнейших христианских общин, родина первомученицы Феклы (30-е годы I века). 

Родители святой особо почитали пятницу — день Страстей Христовых, всегда проводили его в посте и молитве, и, когда у них в пятницу родилась дочь, они назвали ее Параскева, что в переводе с греческого буквально означает «приуготовление [к субботе]; подготовка». Параскева — это название на греческом языке дня пятницы. 

Родители воспитывали Параскеву в благочестии и чистоте. Подражая в вере и делах своим родителям, она строго исполняла заповеди Господни, всегда благоговейно чтила пятницу. С детства всем сердцем возлюбив Христа, она с юных лет вела аскетическую жизнь. Обладая удивительной красотой, Параскева твердо решила не вступать в брак и посвятить свою жизнь Евангельской проповеди. Она рано осиротела, полученное от родителей состояние девушка тратила на еду и одежду для бедных, помощь странникам, которых принимала в своем доме, щедро раздавала милостыню всем нуждающимся. 
В период великого гонения на христиан, начавшегося при императоре Диоклетиане в 303 году, Параскева была арестована и приведена к наместнику Ликаонии Аэтию, которому было велено в подвластных ему городах преследованиями и мучениями истребить христианскую веру. Пораженный красотой девушки, Аэтий предложил ей выйти за него замуж, но прежде отречься от христианской веры и принести жертву языческим идолам. С твердым сердцем, уповая на Бога, отвергла Параскева эти предложения, и разгневанный правитель приказал подвергнуть ее жестоким истязаниям. Претерпевшую мучения девушку, все тело которой было изъязвлено до костей, бросили в темницу. Но Господь чудесным образом за ночь исцелил ее. Не вразумившись этим знамением, палачи продолжали мучить страдалицу. Было приказано жечь тело девушки факелами, однако огонь не причинил ей никакого вреда, а лишь обжег самих мучителей. Узнав, что множество горожан, свидетелей этого чуда, обратились ко Христу, было приказано казнить Параскеву через усекновение главы. 

Святую мученицу с благоговением похоронили в ее домовом храме. На месте погребения сразу начали совершаться чудесные исцеления. Многие, кто приходил и получал помощь, уверовали во Христа и приняли Святое Крещение. Впоследствии святые мощи были розданы по многим монастырям и храмам, прежде всего, отправлены на Святуй Гору Афон.

Что касается Аэтия, то когда на следующий день после казни великомученицы Параскевы он отправился на охоту, его конь внезапно встал на дыбы и сбросил наместника на землю. Аэтий разбился насмерть.

Великомученица Параскева издавна пользовалась на Руси особой любовью и почитанием. Девушки молились ей об удачном замужестве, матери — за своих детей, святая была помощницей женщинам в подготовке к свадьбе, в домашних делах. По церковному верованию она считалась покровительницей полей и домашнего скота.

Об особом отношении к святой свидетельствует тот факт, что на некоторых старых северорусских иконах встречается ее изображение на обороте иконы Божией Матери. Обычно святая изображается суровой подвижницей, высокого роста, в красном мафории, с лучезарным венцом на голове и с крестом в руках.

В древние времена на Руси на перекрестках дорог ставили особые столбы с изображением святой Параскевы, которые назывались ее именем. Памятники эти были похожи на придорожные часовни или кресты и считались священными местами. На родниках, считавшихся целебными, часто ставили часовню, посвященную святой или оставляли ее икону, сама великомученица почиталась покровительницей источников и колодцев.

Святой было посвящено множество часовен, храмов и монастырей, которые могли называться просто «Пятница». С этим обычаем связано и наименование улиц, площадей, сооружений: Пятницкими их называли по имени находившегося рядом храма Параскевы, например, Пятницкая улица в Москве. Несмотря на высокую оценку художественных достоинств храма, в 1935 году он был разрушен, а на его месте возведен вестибюль станции метро «Новокузнецкая». В нем по стене на пол стекает тоненький ручеек воды — на этом месте раньше был святой источник. Он был освящен, и к нему за водой в храм Параскевы Пятницы приходили православные со всей Москвы. Когда храм сносили, источник попытались замуровать. Не получилось... И до сих пор верующие, которые попадают на эту станцию, проходя мимо ручейка, молятся святой Параскеве. 

Еще один из самых больших и известных московских храмов во имя Параскевы Пятницы находился в Охотном Ряду. Первое упоминание о нем относится к 1406 году. Церковь была снесена в 1926 году, в настоящее время на этом месте находится здание Государственной Думы.

Частицы святых мощей Параскевы Пятницы в России хранятся в Свято-Троицкой Сергиевой Лавре, а также в московском храме Воскресения Господня в Сокольниках, в ларце, доставленном с Афона в XIX веке.

В Даниловом монастыре частица святых мощей великомученицы Параскевы находится в Троицком соборе. Святыня хранится на клиросе северного придела храма в белоснежной мраморной раке, украшенной флорентийской мозаикой. 


~

Тропарь великомученицы Параскевы Пятницы, глас 4-й

Премудрая и всехвальная Христова мученица Параскева, мужескую крепость приимши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечем ссецыте и огнем сожгите, аз бо, радующися, иду ко Христу, Жениху моему. Тоя молитвами, Христе Боже, спаси души наша.

Кондак великомученицы Параскевы Пятницы, глас 3-й

Всесвятое и непорочное мучение принесши, яко вено пречестное, безсмертному Жениху Христу, Ангельское ликостояние возвеселила еси и победила еси демонские козни. Сего ради тя честно верою чтим, мученице Параскево, многострадальная.

~

Акафист святой великомученице Параскеве, нареченной Пятница

Кондак 1

Избранной Богом от рода благороднаго, Иконийскаго града, премудрой и всехвальной невесте Христове, яко избавляемии тобою от искушений и бед, благодарственная пения и хваления восписуем ти молитвенницы твои, святая и многострадальная мученице Параскево. Ты же, имея дерзновение ко Господу, от всяких нас бед свободи, да со умилением и радостию зовем ти:
Радуйся, Параскево, невесто Христова всехвальная.

Икос 1

Ангелом честную и вселюбезную чистоту твоего сердца, многострадальная Параскево, непорочно сохранши, Ангелом собеседница быти сподобилася еси. С нимиже воспевая трисвятую песнь Богу на небеси, услыши и нас, верою и любовию чтущих тя и вопиющих ти хваления сия́ на земли:
Радуйся, отроковице, Богом Отцем предуставленная быти сообразной в страдании образу Сына Его; радуйся, и Сыном Божиим укрепленная на подвиги страдальческия.
Радуйся, истинную веру в Животворящую и Единосущную Троицу свято соблюдшая; радуйся, святое целомудрие и девственную непорочность добре сохраншая.
Радуйся, яко радостно уневестилася еси безсмертному Небесному Жениху Христу; радуйся, земнаго обручника паче Небеснаго знати не восхотевшая.
Радуйся, яко цвет чистоты, в неувядаемой славе цветущая; радуйся, яко крин, вонями твоих добродетелей нам благоухающая.
Радуйся, в Небесном вертограде неизреченною радостию наслаждающаяся; радуйся, краснейшаго паче сынов человеческих зрением тамо утешающаяся.
Радуйся, убелившая ризы твоя в крови Агнчей на земли; радуйся, в лике девственниц предстоящая Божиему Агнцу на небеси.
Радуйся, Параскево, невесто Христова всехвальная.

Кондак 2

Видевше благолепие лица твоего, святая мученице Параскево, людие удивляхуся, взирающе на тя, не у ведяще красоты души твоея. Мы же, поминающе светлейшия паче солнца добродетели твоя, поим Господеви, даровавшему тебе благодать Свою: Аллилуия.

Икос 2

Мудрости вместилище паче ума мирских мудрецев явилася еси, отроковице непорочная, измлада уклонившися от любве к миру и отвергшися всего, яже в мире, всею полнотою любве твоея возлюбила еси Небеснаго Жениха Христа, Царя Славы, Емуже, яко верная раба, в житии твоем апостольски послужила еси, живши свято среди неверных и безбоязненно проповедавши им Христа Бога. Таковому твоему разуму дивящеся, сия похвалы тебе восписуем:
Радуйся, премудрая Евангельская дево, во свете веры и дел благих ходившая; радуйся, Христа Господа, Божию силу и Божию премудрость паче всего возлюбившая.
Радуйся, паче мудрецев мира сего мудрейшая; радуйся, паче старец идолослужительных разумнейшая.
Радуйся, неверных светом веры просвещающая; радуйся, чад Церкве Христовы в вере утверждающая.
Радуйся, любовию твоею ко Христу ангельская ликостояния возвеселяющая; радуйся, демонския лукавствия оружием Креста Господня отгоняющая.
Радуйся, в проповедании веры богоглаголивая уста апостольская; радуйся, дев христианских украшение.
Радуйся, верная ко Христу Богу молитвеннице о нашем спасении; радуйся, всех скорбящих крепкое заступление и ограждение.
Радуйся, Параскево, невесто Христова всехвальная.

Кондак 3

Силою Христовою соблюдаема, всеславная мученице Параскево, о болезнех телесных небрегла еси, подвигом добрым подвизатися хотящи. Мужеским смыслом вооружившися, слабость женскую отвергла еси, упованием же укрепившися, радостно предстала еси на судище, идеже ясно веру в Троицу Божественную проповедала еси, Богу вопиющи: Аллилуия.

Икос 3

Слышав от тебе, мудрая дщерь, неправедный судия неслыханная словеса о твоем рождении, яко благочестивии родители твои, страсти Христовы почитающе, знаменитаго дне тезоимениту тя нарекоша, Параскевою, в предзнаменование, яко Христовых страстей имаши быти причастницею. Не разуме же сего нечестивый игемон, но вещаше ти безстудная словеса и повеле бити тя суровыми жилами и полумертву тя сущу ввергнути в темницу. Ты же, доблественне претерпевши жесточайшия муки, в темнице, аки в чертозе светле ликующи, вопияла еси: «Никогдаже отлучуся Тебе, Господи, но посли ми помощь Твою и спаси мя великия ради Твоея милости». Темже, ублажающе тя, вопием ти таковая:
Радуйся, незлобивая голубице, от искушений лукаваго врага свободившаяся; радуйся, словесная агнице, от злаго волка мучителя к доброму Пастырю Христу Богу прибегшая.
Радуйся, во двор словесных овец, одесную Его стоящих, вшедшая; радуйся, на брак Агнчий радостно текущая.
Радуйся, яко тебе уготовано есть благ вечных сокровище; радуйся, яко тебе обетовано есть блаженство Царства Небеснаго.
Радуйся, премудрая Евангельская дево, светло горящий светильник имущая; радуйся, дерзновение велие ко Христу Богу стяжавшая.
Радуйся, волею своею благое иго Христово на ся подъявшая; радуйся, сердце свое от всякия лести душевредныя чисто сохраншая.
Радуйся, истинная Христовых страстей причастнице; радуйся, во страданиях твоих благодатную помощь от Христа Господа получившая.
Радуйся, Параскево, невесто Христова всехвальная.

Кондак 4

Бурю тяжких искушений воздвигоша врази противу тебе, многострадальная Параскево; ты же от твоих кровей трудолюбно чашу страданий испила еси, желающи по Христе, Женисе твоем, во след потещи, прехвальная мученице, и яко ластовица доброгласная, песнь воспевала еси Христу Богу: Аллилуия.

Икос 4

Имея всегда пред очами своими Господа, за исповедание веры палицами немилостивно от мучителей биема, радовалася еси, приснопамятная мученице Параскево, вопиющи: «Ничтоже мя разлучит от любве Твоея, Христе», и тако подвизаяся во Славу Божию, угодила еси Господу. Темже, поминающе честная твоя страдания, с умилением зовем ти:
Радуйся, агнице вседобляя, Пастыреначальнику Христу принесшаяся, яко жертва благоуханная; радуйся, безсмертному Жениху Христу непорочное мучение твое, яко вено пречестное, представившая.
Радуйся, отроковице чистая, истинное исповедание веры Православныя пред неверными явившая; радуйся, праведная обличительнице, неправду нечестиваго судии яве открывшая.
Радуйся, яко тобою посрамися лукавый враг, видящь себе от юной девы побежденна; радуйся, яко радуются о тебе и силы небесныя, видяще тя немощну и младу сущу, побеждающую лютых мучителей.
Радуйся, голубице чистая и непорочная сердцем; радуйся, смиренная агнице, благоуспешно честней и блаженней страсти Господней уподобльшаяся.
Радуйся, яко принеслася еси Зиждителю твоему, яко кадило благовонное; радуйся, яко зрит на тя пресветлое Солнце правды, тридневно возсиявшее от гроба и укрепившее тя к подвигу страдальческому.
Радуйся, яко за преславная твоя страдания сподобилася еси внити в чертог Христа, Царя Небеснаго; радуйся, яко тамо вкупе со святыми наслаждаешися неизреченною радостию.
Радуйся, Параскево, невесто Христова всехвальная.

Кондак 5

Боготечною звездою прешла еси в мире, страстотерпице славная Параскево, ясно веру во Христа всем проповедающи. Страдания многа и люта мужески претерпевши, мучителя посрамила еси и ко Христу Господу, яко Свету незаходимому, радостно востекла еси. Емуже предстоящи с лики праведных, выну вопиеши: Аллилуия.

Икос 5

Видяще силы небесныя плотию страждущую Содетеля ради страстотерпицу Параскеву, Его силою крепящуюся, глаголаху: «Се, и девы на земли прославиша Господа!» Человецы же, трепетом одержими, ужасахуся и удивляющеся, песньми прославляху, глаголюще: «О чудесе! Дева врага победи и молится милостивому Владыке за спасение мира». Сего ради и мы, поминающе исполненное веры мужество твое, преславная мученице, ублажаем тя, глаголюще:
Радуйся, доблественная страстотерпице, в защиту веры Православныя подвизавшаяся; радуйся, наветов вражиих мудрая разорительнице.
Радуйся, Иконийскаго града учительнице; радуйся, идольской суетной лести обличительнице.
Радуйся, верных смыслы вонями добродетелей твоих благовонствующая; радуйся, смрад страстный благодатию, свыше ти данною, отгоняющая.
Радуйся, еллинския кумиры, яко прах, уничижившая; радуйся, твоими подвиги, иже к Богу, тьмы начальника низложившая.
Радуйся, горняя, паче дольних, восхождения в сердце твоем положити возлюбившая; радуйся, Христу Господу, Человеколюбцу, всю себе предавшая.
Радуйся, подобно первомученице Фекле, мног народ словом Божиим просветившая; радуйся, неверных к Божественней вере приведшая.
Радуйся, Параскево, невесто Христова всехвальная.

Кондак 6

Проповедницу чудес и славы Божия явила еси себе, доблестная мученице Параскево, после преславнаго исцеления в темнице, от Христа Господа тебе дарованнаго. Емуже возсылая благодарственная моления, радостно мы вопием: Аллилуия.

Икос 6

Возсияла еси, яко светозарная звезда, обагрившися каплями кровными, и Божественною благодатию отгнала еси безбожия тьму, мученице Параскево, просветивши верныя, чтущия твоя доблественныя подвиги. Темже восхваляюще тя, усердно вопием ти:
Радуйся, богомудрая дево, Христовых страстей общнице; радуйся, в темнице ти сущей, Ангельскаго посещения сподобльшаяся.
Радуйся, в отраду болезней твоих орудия страстей Христовых созерцавшая; радуйся, Честный Крест и терновый венец нетленнаго Жениха твоего, Христа, узревшая.
Радуйся, язвы Господа на теле твоем носившая; радуйся, от всех язв Тем же Господом чрез Ангела исцеленная.
Радуйся, яко Тойже Господь даровал тебе крепость и премудрость, ейже не возмогоша противитися вси противляющиися истине; радуйся, от кровей твоих светлую себе ризу исткавшая.
Радуйся, яко тобою от многих ран грешнии исцеляются; радуйся, яко тобою от различных болезней, с верою тя призывающии, здравие приемлют.
Радуйся, уз греховных скорая решительнице; радуйся, о всех христианах пред престолом Божиим верная молитвеннице.
Радуйся, Параскево, невесто Христова всехвальная.

Кондак 7

Хотящу безумному мучителю игемону желание свое улучити и паки покушающуся ласкательными словесы тебе, святая мученице Параскево, от истиннаго Бога обратити к поклонению идолом; ты же, яко богомудрая дева, вразумляя его в суетстве идолов, рекла еси ему: «Покажи ми, игемоне, богов, ихже ты мниши исцеливших мя от ран», и по велению мучителя пришедши в храм идольский, помолилася еси единому истинному Богу, от Егоже Святаго имене вси идоли падоша и разсыпашася в прах, во уверение, яко един есть Бог, прославляемый во Святей Троице, Емуже вкупе со святыми Ангелами выну вопиеши: Аллилуия.

Икос 7

Новую показа безчеловечия ярость зверообразный мучитель, егда тебе, святая мученице Параскево, повеле на древе повесити и свещами горящими опаляти твоя девическая ребра. Сие пачеестественное терпение твое благоговейно воспоминающе, похвалами блажим тя сицевыми:
Радуйся, многообразныя болезни за Царя Христа Бога претерпевшая; радуйся, яко пред лицем человеческим аще и муку прияла еси, упование же твое безсмертия исполнено есть.
Радуйся, яко повешена была еси на древе Христа ради, на Кресте распятаго, да венцем нетления от Него увязешися; радуйся, яко строгана была еси по ребром, Иисуса ради копием в ребро прободеннаго, да Царствием Его Небесным насладишися.
Радуйся, яко огнь любве к Богу в сердце твоем возжгла еси; радуйся, яко за Того свещами огненными палима была еси.
Радуйся, твердейшая адаманта в терпении твоем показавшаяся; радуйся, в вере во Христа Господа крепчае паче камене, в мужестве непоколебимом пребывшая.
Радуйся, яко огнем опаляема, огненною мудростию пламень угасила еси естественный; радуйся, яко свещу неугасиму душевную соблюдши, вошла еси со Христом, Женихом твоим, в чертог Небесный.
Радуйся, яко чудесными искрами страсти умертвивши, демонския полки страдальчески победила еси; радуйся, яко страданиями твоими мног народ к познанию истиннаго Бога привела еси.
Радуйся, Параскево, невесто Христова всехвальная.

Кондак 8

Странное и страшное святыя мученицы Параскевы страдание видяще, вернии удивляхуся зело: како млада отроковица сущи, в юностнем телеси таковая мужественно за Христа терпит муки, слезнаго исполнишася умиления? Невернии же трепетом одержими и чудесными искрами опаляеми от Ангела, бежаху. Мы же, прославляюще дивнаго во святых Бога, вопием: Аллилуия.

Икос 8

Весь Сладчайший Иисусе сладость, весь желание тебе бысть, святая мученице Параскево: сладце бо Его ради горькия терпела еси муки, глаголющи к мучителю: «Враже нечестивый игемоне, что неистовствуеши на христианы? ни царства у тебе отъях, ни града твоего разорих, но буими словесы увещати мя помышляеши. Аз плоти моея не щажду за Христа моего, зане Он любит мя: к Нему пойду и Того буду невеста. Той мене спасет от рук враг моих и дарует ми жизнь вечную». Поминающе сицевая твоя словеса и доблественныя подвиги твоего исповедничества, вопием ти:
Радуйся, злобы неверных не устрашившаяся; радуйся, твари паче Создавшаго не послужившая.
Радуйся, во еже сопротивлятися врагом Божиим, в духовное всеоружие благодати Божией облекшаяся; радуйся, идолом немым и глухим в капище идольском не поклонившаяся.
Радуйся, именем всесильнаго Господа и твоею к Нему молитвою вся идолы тамо сокрушившая; радуйся, демонов коварствия Божественною силою упразднившая.
Радуйся, томления мучителей Крестом Господним, яко державным оружием, мужески победившая; радуйся, огненное опаление и жжение девственнаго телесе твоего в воню мира Христу Богу принесшая.
Радуйся, веру, надежду и любовь к Богу сохраншая; радуйся, победы венец от руки Христа Жизнодавца приемшая.
Радуйся, реко, исполненная благодати Божия водами; радуйся, источниче, кипящий чудес излиянии.
Радуйся, Параскево, невесто Христова всехвальная.

Кондак 9

Всеми богокрасными лепотами добродетелей украсивши себе, прехвальная мученице Параскево, явилася еси тверда и непоколебима во исповедании веры Христовы. Сего ради ангельское естество велиею возрадовася радостию, узревши мужественную крепость твою и твердое твое упование. И мы слышавше, како посрамися лукавый враг, от девы побеждаемь, и како Сам Христос Бог достойно венчает тя мученицу, купно с тобою радостно вопием прославляющему тя Господу: Аллилуия.

Икос 9

Ветийствующий язык не возможет восхвалити дела твоя и великия страдальческия твоя подвиги по достоянию, славная мученице Параскево. Кто бо повесть страдания твоя и добродетели? На судищи бо исповедавши истиннаго Бога, от безчеловечных мучителей претерпела еси лютая, болезненная страдания; и в сих жестоких болезнех бывши палицами биема, железными ноготьми строгаема и огнем палима, ничтоже ино вещала еси к Создателю твоему, токмо сие: «Спаси мя, Господи, недостойную рабу, не разлучи мене, Христе, от Твоего желания!» Смиренно поминающе сицевая твоя страдания, умиленную песнь приносим ти, глаголюще:
Радуйся, кровию страдания твоего Христу Богу уневестившаяся; радуйся, страстем Христовым подражавшая.
Радуйся, любве ради Господни жестокия мучения претерпевшая; радуйся, от Небеснаго Царя благолепный венец восприявшая.
Радуйся, яко всем верным воспоминание твое пресладко; радуйся, яко всей Церкви Христовой имя твое пречестно.
Радуйся, досточудное Ангелом и человеком зрелище бывшая; радуйся, и самех мучителей непобедимым терпением твоим удивившая.
Радуйся, яко Сам Господь свыше призре на твоя страдания; радуйся, яко Сам Той Подвигоположник похвали твоя подвиги.
Радуйся, девам доброто и похваление; радуйся, мучеником красото и верным утешение.
Радуйся, Параскево, невесто Христова всехвальная.

Кондак 10

Спасти хотя душу твою, о теле твоем всячески небрегла еси, святая мученице Параскево. Егда бо на тя и мечное на смерть осуждение изыде от беззаконнаго мучителя, ты под меч острый, аки под венец красный, радостно потекла еси; и во главу усекновена бывши, душею твоею воспарила еси в чертог Жениха твоего Безсмертнаго, Христа Бога, Емуже выну на Небесех ныне воспеваеши: Аллилуия.

Икос 10

Стена была еси крепка и непоколебима во исповедании веры в Триединаго Бога. Сего ради многоболезненная страдания от мучителя претерпела еси и, добре скончавши течение твое, венец от Христа Бога прияла еси, и ангельских ликостояний на Небеси сподобилася еси. Темже воспоминающе твоя подвиги, ублажаем тя, многострадальная:
Радуйся, течение мученическаго пути добре скончавшая; радуйся, веру безсмертному Жениху Христу до смерти сохраншая.
Радуйся, в житии твоем богоугодными делы Господеви послужившая; радуйся, за любовь ко Христу Богу всю мирскую суету отвергшая.
Радуйся, силою свыше на брань противу сил преисподних препоясанная; радуйся, победоносною славою в вышних от Христа Победителя одеянная.
Радуйся, оружием благоволения Божия венчанная на земли; радуйся, цветом неувядаемым украшенная на Небеси.
Радуйся, христианом крепкое прибежище; радуйся, верным твердое заступление.
Радуйся, безпомощных защитительнице; радуйся, сирых покровительнице.
Радуйся, Параскево, невесто Христова всехвальная.

Кондак 11

Пение наше всякое побеждается, и многое множество хвалебных песней, восписуемых ти, несть довольно по достоянию восхвалити тя, прехвальная мученице Параскево. Обаче молитвами твоими получающе от Христа Бога неисчетная благодеяния, благодарни суще, поем о тебе Ему: Аллилуиа.

Икос 11

Возсиявши нам, яко светило светозарное, мрак демонский от человек твоими мольбами отгоняеши, святая мученице Параскево, приемши бо благодать целити недуги, всем верным, притекающим к тебе с молитвою, подаеши исцеление: кровоточивии бо и прокаженнии прикосновением к раце мощей твоих очищаются, глусии слышат, разслабленнии здрави бывают призыванием святаго твоего имене. Мы же, поминающе скорое заступление твое, вопием ти:
Радуйся, благовонная смирно, Церковь Христову благоухающая; радуйся, благонадежная молитвеннице, фимиам молитвы о нас к Богу приносящая.
Радуйся, мироположнице исцелений неоскудная; радуйся, сокровище Божиих даров неиждиваемое.
Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ небесных сладость.
Радуйся, благодатную росу исцелений всем верным источающая; радуйся, скорбныя сердца недужных дарованием исцелений ободряющая.
Радуйся, яко Христос Бог за доблественная твоя страдания славу и велелепие на тя возложил есть; радуйся, яко тебе Царь царствующих и Господь господствующих блаженство Царствия Своего даровал есть.
Радуйся, Царствия Христова сонаследнице; радуйся, славы Божией сопричастнице.
Радуйся, Параскево, невесто Христова всехвальная.

Кондак 12

Благодать от Бога дана ти есть подавати исцеления всем требующим, яко от источника пребогатаго, хранити же и соблюдати от различных болезней, бед и скорбей всякаго человека, верою, любовию и благоговением честная твоя страдания воспоминающаго и почитающаго. Молитвеннаго твоего о нас предстательства и благодатных дарований не лиши и нас, многострадальная Христова страстотерпице. Да и мы, здрави суще телом и духом, в нынешней и будущей жизни о тебе поем Богу: Аллилуия.

Икос 12

Поем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле непобедимое мужество, имже на земли и на Небеси прославилася еси, святая и добропобедная мученице Параскево. И в честь твоих победоносных подвигов и страданий похвальная восписуем ти сия:
Радуйся, от ангельских чинов в сожительство их любезно приятая; радуйся, от девственных ликов в чертог небесный радостно введенная.
Радуйся, от мученических полков под венец славы провождаемая во гласе радования; радуйся, от небесных жителей приемлющая о Господе целование.
Радуйся, яко мзда твоя многа есть на Небесех; радуйся, яко радость твоя вечна есть во светлости святых.
Радуйся, в небесном чертозе Божественнаго Жениха твоего со Ангелы Его веселящаяся; радуйся, лицезрением Всеблагаго Господа тамо вкупе со святыми наслаждающаяся.
Радуйся, душевных и телесных недугов наших целительнице; радуйся, душеспасительных благ и небесных даров подательнице.
Радуйся, яко тобою от нечаянныя смерти сохранитися уповаем; радуйся, яко твоим заступлением вечную жизнь от Христа Бога улучити благонадежно чаем.
Радуйся, Параскево, невесто Христова всехвальная.

Кондак 13

О святая премудрая и всехвальная мученице, невесто Христова Параскево! От благоговейных сердец приносимую ти, аще и недостойную, хвалебную песнь сию приими от нас, яко усердную жертву сердец, любящих тя и чествующих святую память твою. Охраняй нас молитвами твоими святыми, и вся люди, притекающия к честней иконе твоей и с любовию лобызающия ю, избавляй от всякаго злаго обстояния и скорби. Да тихое и безмолвное житие поживше в нынешнем веце, блаженство вечное наследим, и купно с тобою и всеми святыми выну сподобимся воспевати Богу: Аллилуия.

Этот кондак читается трижды, затем икос 1-й и кондак 1-й.

Молитва

Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоея в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы днесь приветствуем тя, многострадальная, и, взирающе на святую твою икону, со умилением вопием ти: всечестная Параскево! Вемы, яко велие имаши дерзновение ко Господу: умоли убо Его, Человеколюбца, и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он нам, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему Отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими Ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим вси пресвятое и великолепое имя дивнаго во святых Своих истиннаго Бога, Отца и Сына и Святаго Духа, всегда, ныне и присно, и во веки веков. Аминь.

Для правильного функционирования этого сайта необходимо включить JavaScript.
Вот инструкции, как включить JavaScript в вашем браузере.