4 ноября празднование Казанской иконе Божией Матери
4 ноября празднование Казанской иконе Божией Матери
(в память избавления Москвы и России от поляков в 1612 г.)
Празднование 4 ноября
Я хотел бы всех вас сердечно поздравить с праздником Казанской иконы Божией Матери, с Днем народного единства. Замечательно, что решением государственных властей именно этот день был определен как день празднования самого главного и основного, без чего не может существовать государство и без чего атомизируется, распадается человеческое общество, — народного единства... Вспоминая победу, которая была одержана ополчением Минина и Пожарского, вспоминая трехдневную молитву и пост этого ополчения перед Казанской иконой Божией Матери, мы и сегодня, обращаясь к Царице Небесной, просим, чтобы Она простерла Свой Покров над державой Российской, над всей исторической Русью, сохраняя нас от исторического беспамятства, от разрушения нравственного чувства, от всяких заблуждений, могущих привести к разрушению личности, семьи, общества и государства. И верим, что Царица Небесная услышит наши молитвы.
Патриарх Московский и всея Руси Кирилл
Казанская икона Божией Матери — одна из самых почитаемых в России икон Пресвятой Богородицы. Чудесное явление этого образа жителям Казани свершилось через четверть века после покорения Казанского ханства. Постепенно Казань становилась христианским городом с множеством храмов и несколькими монастырям, однако исламизм оказывал упорное сопротивление: в городе и его окрестностях оставались тысячи мусульман и язычников. Необходима была чудесная помощь свыше, и она была явлена через чудотворную икону, получившую позже наименование Казанская.
В июне 1579 года Казань пострадала от страшного пожара, уничтожившего значительную часть города. Пожар начался с дома стрельца Онучина. Через несколько дней стрелец решил приступить к возведению нового жилища на пепелище сгоревшего дома. Тогда его дочери, десятилетней Матрене (Матроне) явилась во сне Пресвятая Богородица и повелела возвестить архиепископу и воеводам города, чтобы они взяли на этом месте скрытую в земле икону (икона была зарыта еще при господстве мусульман тайными исповедниками православия) и указала, где ее искать. Словам девочки никто не поверил, а Пресвятая Богородица являлась ей еще дважды, однако отроковице продолжали не верить. После третьего раза мать послушалась дочери, однако архиепископ Иеремия и городские власти продолжали не верить. Тогда мать Матроны взяла заступ и начала копать в указанном месте, где до пожара была печь, вскоре к ней присоединилась и Матрона и на глубине около метра они нашли икону. Это произошло 8 июля (ст. ст.) 1579 года. Обретенная икона была списком (с небольшими отличиями) с Влахернской чудотворной иконы Богоматери, написанной святым евангелистом Лукой. Только лишь весть о чудесной находке разнеслась по городу, к дому Онучиных поспешили горожане. Архиепископ Иеремия и воеводы со слезами просили прощения у Царицы Небесной в своем маловерии. Затем икону торжественно перенесли в Благовещенский собор, и здесь на пути совершилось первое исцеление — прозрел слепой. Чудотворная икона получила наименование Казанской. С нее был сделан список, который отослали в Москву с описанием явления святыни и чудес. Царь Иван Грозный повелел на месте обретения иконы основать женский монастырь и поместить в нем икону. Позже в этой обители приняли постриг Матрона, получившая в иночестве имя Мавра, которая и стала первой настоятельницей обители, и ее мать.
В 1594 году, через пятнадцать лет после явления иконы, митрополит Казанский Ермоген (впоследствии Патриарх Московский и всея Руси, принявший мученическую кончину в 1612 году) составил повествование об обретении чудотворного образа и последовавших чудотворных знамениях. Сохранился подлинный текст этого повествования. До 1612 года чудотворная Казанская икона Божией Матери была местночтимой. Празднование в честь нее совершалось в день обретения — 8 (21) июля.
Общенациональная известность и почитание святыни связаны с событиями Смутного времени. Список с чудотворной Казанской иконы Божией Матери был прислан в войско народного ополчения и находился там на протяжении всего похода. 4 ноября 1612 года, воины под предводительством Козьмы Минина и Дмитрия Пожарского, штурмом взяли Китай-город, освободив Москву от польских интервентов и продемонстрировав образец героизма и сплоченности всего народа. Перед взятием Кремля, в котором засели поляки, икона находилась на Красной площади против Никольских ворот. Через несколько лет на средства князя Дмитрия Пожарского на Красной площади был построен деревянный Казанский собор (после пожара 1632 года перестроен в камне), и с 1636 года здесь находился чудотворный образ.
В марте 1613 года избранный Земским Собором первый русский царь из династии Романовых Михаил Федорович установил ежегодное празднование Казанской иконы Божией Матери в день избавления Москвы от поляков — 22 октября (4 ноября нов. ст.). А спустя тридцать шесть лет его сын, царь Алексей Михайлович, постановил совершать в этот день всероссийское празднование.
В 1918 году чудотворный список Казанской иконы Божией Матери был украден, а сам храм позже, в 1936 году, снесен. В 1990–1993 годы был восстановлен. Для воссозданного храма мастера-реставраторы Центра имени Грабаря заново написали образ Казанской Божией Матери.
В ноябре 2004 года Государственная Дума России постановила отмечать 4 ноября как государственный праздник — День народного единства.
В Даниловом монастыре можно помолиться перед Казанской иконой Божией Матери в Покровском храме и в приделе преподобного и благоверного князя Даниила Московского, а также следует особо отметить образ Казанской Божией Матери (сер. XVIII века), который находится в местном ряду иконостаса храма Святых Отцов Семи Вселенских Соборов. Поступившая в Данилов монастырь из Поволжья икона состоит из средника и клейм, иллюстрирующих «Сказание о явлении чудотворной иконы Пресвятой Богородицы в городе Казани». Автор сказания — священномученик Ермоген, Патриарх Московский и всея Руси, чудотворец († 1612).
~
Тропарь Божией Матери пред иконой Ее Казанской, глас 4-й
Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже Царице и Владычице, иже в напастех, и скорбех, и в болезнех обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол. Всем полезная даруй и вся спаси, Богородице Дево: Ты бо еси Божественный покров рабом Твоим.
Кондак Божией Матери пред иконой Ее Казанской, глас 8-й
Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы, ускорим на молитву и потщимся на покаяние, источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.
~
Акафист Пресвятой Богородице пред иконой «Казанская»
Кондак 1
Избранной от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Богородице, о явлении чудныя Твоея иконы. Ты же, яко Всемилостивая, всех притекающих к Тебе Помощнице, заступай нас во всех скорбех и нуждах, бедах и напастех, да зовем Ти:
Радуйся, Заступнице усердная рода христианскаго.
Икос 1
Ангел предстатель послан бысть рещи Богородице «Радуйся», егда Бог Слово воплощашеся во утробе Ея: и мы, грешнии, прославляюще явление чудныя Ея иконы и Божественнаго Младенца Спаса Христа, со умилением вопием Благодатней:
Радуйся, Богоизбранная Отроковице; радуйся, Мати Божия.
Радуйся, Царице Небесе и земли; радуйся, светлое Церкве Небесныя и земныя украшение.
Радуйся, Ангелы чтимая; радуйся, певаемая от Серафим.
Радуйся, светлое пророческое сбытие; радуйся, апостолов похвало.
Радуйся, мученическое исповедание; радуйся, преподобных венче.
Радуйся, праведных веселие; радуйся, грешных упование.
Радуйся, Заступнице усердная рода христианскаго.
Кондак 2
Видящи, Всенепорочная, с высоты Небеснаго жилища Своего, идеже с Сыном Твоим в славе пребываеши, скорбь рабов Твоих в новопросвещеннем граде, яко гневнаго ради Божия посещения вера Христова поругаема бывает агарянским зловерием, благоволила еси явити икону Свою, чудесы ю прославляющи, да утверждаемии знаменьми Твоея благодати, христолюбивии людие верно вопиют Богу: Аллилуия.
Икос 2
Разумение трикратнаго явления Богоматере мудрая отроковица ищущи, тече ко властем, поведающи им дивное явление и грозное прещение: мы же дивящеся свыше данному отроковице вразумлению, благоговейно вопием к Преблагословенней:
Радуйся, устнами чистыми хвалу Богови совершающая; радуйся, тайны благодати Божия верным открывающая.
Радуйся, неверных сумнительное слышание; радуйся, верных известная похвало.
Радуйся, молние, неверных устрашающая; радуйся, славою чудес Твоих верных разум озаряющая.
Радуйся, агарянскаго зловерия обличение; радуйся, гордыни их низложение.
Радуйся, веры христианския утверждение; радуйся, почитания святых икон освящение.
Радуйся, скорбь нашу в радость претворяющая; радуйся, несумненною надеждою нас увеселяющая.
Радуйся, Заступнице усердная рода христианскаго.
Кондак 3
Сила Вышняго благодатию Богоматере умудри и укрепи отроковицу к исканию многоценнаго Божия дара, и та, с верою дерзающи о Господе, приступи к труду и, скрытое в земли обретши сокровище святыя иконы Богоматери, радостно возопи к Богу: Аллилуия.
Икос 3
Имеющи благоутробное промышление о новопросвещенных людех града Казани, от пречестныя Твоея иконы токи чудес источила еси, Владычице, слепым телесныма очима зрение подавающи, омраченных же душевно светом богопознания и благочестия озаряющи, девствующим под осенением Твоея иконы пристанище небурное дарующи. Сего ради зовем Ти:
Радуйся, явлением иконы Твоея тьму лютых обстояний отгоняющая; радуйся, лучами чудес всех просвещающая.
Радуйся, слепых прозрение; радуйся, омраченных смыслом просвещение.
Радуйся, славо Православия; радуйся, тихое пристанище ищущих спасения.
Радуйся, Мати целомудрия; радуйся, покрове и ограждение девства.
Радуйся, Еюже ликовствует все множество верных; радуйся, Еяже ради рыдает демонское полчище.
Радуйся, всех христиан вожделенная Помощнице; радуйся, всех скорбящих Радосте.
Радуйся, Заступнице усердная рода христианскаго.
Кондак 4
Бурю смятений и крамолы врагами воздвигнутую в стране нашей утолити тщащься блаженный Ермоген, списатель чудес Твоея, Богомати, иконы, слезно пред нею моляшеся и, видев, яко воинству православному в щит и победное знамение Твоя икона даровася, верою укрепляемый до конца живота своего, вопияше Богу: Аллилуия.
Икос 4
Слышавше православнии воини откровенную Преподобным Сергием святителю Арсению тайну, яко предстательством Богоматере суд об Отечестве нашем преложен на милость, икону Богоматерню, яко знамя победное, приимше, исхитиша матерь градов русских из рук супостат и возопиша Заступнице христиан:
Радуйся, Мати Бога Вышняго; радуйся, яко за всех молиши Сына Твоего, Христа Бога нашего.
Радуйся, яко всем твориши спастися в державный Твой покров прибегающим; радуйся, Заступнице всех сущих в скорбех и болезнех.
Радуйся, всем молящимся сокрушенным сердцем пред пречистым Твоим образом полезная дарующая; радуйся, избавление зол всем, невозвратно надежду имущим на Тя.
Радуйся, тихое и доброе пристанище; радуйся, скорая Помощнице.
Радуйся, готовый и теплый покрове спасения; радуйся, источающая нам неоскудныя милости.
Радуйся, предваряющая на помощь; радуйся, избавляющая от всех бед.
Радуйся, Заступнице усердная рода христианскаго.
Кондак 5
Боготечная звезда явися Твоя, Богомати, икона, всю страну Российскую обтекающая, лучами чудес Твоих осиявающая всех блуждающих по морю страстнаго жития, мрак печалей и мглу всяких недуг и скорбей прогоняющая и наставляющая на путь спасения с верою к Тебе притекающих и вопиющих к Богу: Аллилуия.
Икос 5
Видев царь Петр, яко от святыя иконы Богоматерни благодатию Божиею содеваются многия чудеса, приемлет ю в путеводительницу воинству своему и в день брани на свеев в щит и покров, и победив до конца врага с помощию Богоматере, тем камень совершенный во основание новаго царствующего града положи, икону же Твою чудную, яко освящение, яко щит и ограждение, в сердце града постави. Сего ради вопием Пречистей:
Радуйся, жилище и доме Христа Бога нашего; радуйся, вместилище неизреченныя Его славы.
Радуйся, граде одушевленный, присно царствующий; радуйся, палато преукрашенная.
Радуйся, Радосте градов и весей; радуйся, непобедимое христиан в бедах хранилище и предградие.
Радуйся, Церкве Православныя похвало; радуйся, Русской земли утверждение.
Радуйся, христолюбиваго воинства Помощнице; радуйся, врагов одоление.
Радуйся, от бед избавление; радуйся, Матерними Твоими щедротами всех посещающая.
Радуйся, Заступнице усердная рода христианскаго.
Кондак 6
Предстояще пред пречистым Твоим образом архиереев сословии и вси людие, монаси и мирстии, проповедуют, Госпоже Богородительнице, великия Твоя милости, яко грады ограждаеши, обители покрываеши, веси защищаеши, и, ведуще Тя воистинну Помощницу сильну и непобедиму, со слезами приносят Ти молитвы, да простреши к Сыну Твоему Богоносныя руки за люди Твоя, во еже избавити нас от всех бед и напастей, да благодарне вопием Богу: Аллилуия.
Икос 6
Возсиявши просвещение истинное и отгнавши древле лесть агарянскую во новопросвещенней стране Казанской, ныне во всех градех российских светиши светом чудес и милостей: притекающий бо с верою ко Твоей иконе цельбоносней скорбей избавление, недугов исцеление и радости всякия исполнения приемлют, вопиюще Тебе усердно:
Радуйся, неистощимый источниче святыни; радуйся, многотекущая реко Божественныя благодати.
Радуйся, грешных с Богом примирение; радуйся, грехов наших очищение.
Радуйся, благочестия Наставнице; радуйся, в добрых делех утверждение и помоще.
Радуйся, добрыя обеты приемлющая; радуйся, благим намерением способствующая.
Радуйся, злыя начинания разрушающая; радуйся, вражия козни расторгающая.
Радуйся, скорая человеком Помощнице; радуйся, милость сугубо нам подающая.
Радуйся, Заступнице усердная рода христианскаго.
Кондак 7
Хотящу народу православному исповедати милости Преблагословенныя Царицы Неба и земли и по силе благодарственная принести о избавлении его от нашествия иноплеменных, дивному храму, созданному в честь пречудныя иконы, победная в дар принесе, да вси памятующе милость Богоматере, спасшия град сей и страну, выну воспевают Богу благодарными усты: Аллилуия.
Икос 7
Стольному граду России святая икона Твоя, Богомати, воистинну явися благая Одигитрия, якоже древле Цареграду: к Тебе бо прибегают людие, помощи Твоея на начало пути и дел своих просяще и благодарственная приносяще моления пред пречистою иконою Твоею за избавление от скорбей и напастей, Тебе Помощницу и Заступницу крепкую ведают. Темже благодарственно вопием Ти:
Радуйся, Российския страны покрове; радуйся, Православия в ней ограждение и утверждение.
Радуйся, несокрушимый щите воинов наших; радуйся, броне их неуязвимая.
Радуйся, козни врагов обличающая; радуйся, яко паучину их растерзающая.
Радуйся, нечестия обличение; радуйся, крамолы разрушение.
Радуйся, юных от заблуждений исправление; радуйся, старцев утешение.
Радуйся, душевредных учений низложение; радуйся, душеполезных знаний дарование.
Радуйся, Заступнице усердная рода христианскаго.
Кондак 8
Странно и сумнительно неверующим слушати, како от иконы Твоея токи благодати истекают, воня животная благоухает: мы же, верующе слову, реченному Тобой, Владычице, к первонаписанней иконе: «С тобой Моя благодать и сила», уповаем, яко и с сею иконою благодать Твоя выну: темже благоговейно предстояще лобызаем ю, поклоняемся ей, яко Тебе Самей сущей, честь бо иконы на первообразное восходит, и Твоя благодать сею иконою знамения и чудеса содевает всем с верою притекающим к Тебе и вопиющим Богу: Аллилуия.
Икос 8
Вся бывши горе, к Небесным взята, и земных не оставляеши, Богомати, священным Твоим предстательством: имаши бо матернее дерзновение ко Христу Богу нашему. Темже утверди в мире глубоце православных житие и вся полезная всегда даруй рабом Твоим, да величающе воспеваем Ти:
Радуйся, Невместимаго вместилище; радуйся, осененная силою Вышняго.
Радуйся, прозябшая Клас Небесный; радуйся, мир весь душепагубнаго глада избавльшая.
Радуйся, выну ходатайствующая за род наш; радуйся, яко много может молитва Твоя пред Сыном Твоим и Богом.
Радуйся, всех нас при Кресте Сына Твоего усыновившая; радуйся, всегда Матернюю любовь к нам являющая.
Радуйся, Ходатаице вечных благ; радуйся, и во временней жизни полезная нам подающая.
Радуйся, известное прибежище наше во всех скорбных обстояниих; радуйся, несомненное утешение в печалех.
Радуйся, Заступнице усердная рода христианскаго.
Кондак 9
Всякаго естества ангельскаго превышшая явилася еси, Пресвятая Дево: Бога бо зачала еси плотию, Невместимаго всеми вместила еси во утробе Твоей, на руках носила еси Носящаго весь мир дланию: темже, яко Честнейшую Херувим и Славнейшую без сравнения Серафим величающе Тя, вопием о Тебе Богу: Аллилуия.
Икос 9
Вития многовещанныя, яко рыбы безгласныя, видим о Тебе, Богородице: недоумеет бо всяк язык благохвалити Тя по достоянию, изумевает ум пети Тя, Богородице; обаче Благая сущи, приими и от нас архангельский глас, Тебе вопиющих:
Радуйся, Благодатная; радуйся, яко Господь с Тобою.
Радуйся, Благословенная в женах; радуйся, обретшая благодать у Бога.
Радуйся, родившая Спастеля миру; радуйся, Мати Сына Божия.
Радуйся, Родительнице Вечнаго Царя; радуйся, израстившая нам плод живота.
Радуйся, освященная Духом Святым; радуйся, осененная силою Всевышняго.
Радуйся, верная Рабо Господня; радуйся, яко Тя блажат вси роди.
Радуйся, Заступнице усердная рода христианскаго.
Кондак 10
Спасти хотящи многия от находящих зол, скорбей и болезней, чудную икону Твою, Богомати, даровала еси, еяже ради слепии прозирают, хромии ходят, разслабленнии возстают, беснующиися исцеляются, земли плодоносие подается, людие от смертоносныя язвы избавляются, грады и домы от огня спасаются: темже прославляюще Бога, дающаго нам таковыя милости, вопием Ему усердно: Аллилуия.
Икос 10
Стена еси, Богородице, стране Российстей, градом ограждение и слава, православному воинству на враги укрепление. Темже, благодаряще Тя, вопием:
Радуйся, прославляющих Тя прославляющая; радуйся, не чтущих Тя посрамляющая.
Радуйся, врагов устрашение; радуйся, от нашествия иноплеменных избавление.
Радуйся, воинов крепосте; радуйся, в дни брани забрало и ограждение.
Радуйся, в дни мира живоносный саде, увеселяющий сердца верных; радуйся, оружие, егоже трепещут демони.
Радуйся, спасительный елей, умащающий греховныя раны кающихся; радуйся, теплое наше упование.
Радуйся, несумненная наша Надеждо; радуйся, тихое и доброе пристанище.
Радуйся, Заступнице усердная рода христианскаго.
Кондак 11
Пение хвалебное и благодарственное приносят Тебе, Владычице, припадающе ко иконе Твоей и любезно лобызающе ю, дев лицы, под державным покровом Твоим тихое и мирное иноческое житие провождающии, и возложивше на Тя все упование, радостно вопиют Богу: Аллилуия.
Икос 11
Яко светоприемную свещу, зрим Твою честную икону, Пресвятая Владычице: та бо невещественный огнь благодати Твоея восприемши, и в подобиих ея новы возжигает светильники, причастны тояжде силы благодатныя, и озаряет чудесы, наставляющи на путь спасения всех вопиющих Ти сице:
Радуйся, Невесто Неневестная; радуйся, Богоизбранная Отроковице, Мати Дево.
Радуйся, добрая Наставнице непорочнаго девства; радуйся, Хранительнице ревнующих о чистоте.
Радуйся, жен похвало; радуйся, дев величание.
Радуйся, вдов заступление; радуйся, сирот призрение.
Радуйся, нищих Питательнице; радуйся, нагих одеяние.
Радуйся, печальных утешение; радуйся, скорбящих веселие.
Радуйся, Заступнице усердная рода христианскаго.
Кондак 12
Благодать дати восхотевши почитающим Тя с любовию, Богородительнице, присущую Ти силу благодатную оставила еси во святых Твоих иконах, ибо Божественная благодать, спребывающи тем (иконам), знамения и чудеса выну содевает и душевных и телесных недуг исцеление всем с верою приходящим подает Твоими Богоматерними непрестанными к Богу молитвами о вопиющих Ему: Аллилуия.
Икос 12
Поюще Твоя чудеса, бывшая в древняя и настоящая времена, хвалим Тя, яко Живоносный Источник благодати, яко неистощимую реку чудес, яко бездну милости и щедрот, и все упование по Бозе возлагающе на Тя и в сей и в будущей жизни, прославляюще Тя, вопием:
Радуйся, христиан непостыдное упование; радуйся, верных спасительное прибежище.
Радуйся, ненадежных надеяние; радуйся, отчаянных спасение.
Радуйся, бане, омывающая совесть; радуйся, росо, оживляющая души.
Радуйся, болезней врачевство скорое и безмездное; радуйся, от всех бед быстрое избавление.
Радуйся, Утешительнице во всякой скорби; радуйся, из глубины погибели спасающая.
Радуйся, отрадо в день смерти; радуйся, единая Надеждо и по смерти.
Радуйся, Заступнице усердная рода христианскаго.
Кондак 13
О Всепетая Мати, рождшая всех святых Святейшее Слово, приими ныне малое сие моление и, величия ради благости Твоея и бездны щедрот Твоих, не помяни множества грехов наших, но исполни во благих прошения наша, подавающи телу здравие, души спасение, избавляющи от всякия нужды и печали и Царствия Небеснаго наследники сотворяющи всех верно вопиющих Богу: Аллилуия.
Этот кондак читается трижды, затем икос 1-й и кондак 1-й.
Молитва первая
О Пресвятая Госпоже Владычице Богородице! Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе, умоли милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь Свою Святую да незыблему соблюдет от неверия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Помощница и Заступница. Избави всех с верою Тебе молящихся от падений греховных, от навета злых человек, от всяких искушений, скорбей, бед и от напрасныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия и тамо со всеми святыми прославим Пречестное и Великолепое Имя Отца и Сына и Святаго Духа. Аминь.
Молитва вторая
О Пресвятая Владычице Богородице, Царице Небеси и земли, вышшая Ангел и Архангел и всея твари честнейшая, чистая Дево Марие, миру благая Помощнице, и всем людем утверждение, и во всяких нуждах избавление! Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия и покланяющияся пречистому и цельбоносному образу Твоему, и помощи и заступления Твоего просящия. О, Всемилостивая и Премилосердая Дево Богородице Чистая! Воззри, Госпоже, на люди Твоя: мы бо грешнии не имамы иныя помощи, разве Тебе и от Тебе рождшагося Христа Бога нашего. Ты еси заступница и предстательница наша. Ты еси обидимых защищение, скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение, Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.
