Иверская икона Божией Матери («Портаитисса»)

По преданию Святой Горы Афон, Иверская икона Божией Матери впервые явила свои чудеса в IX веке, во времена императора-иконоборца Феофила. В то время близ города Никеи жила благочестивая и добродетельная вдова с юным сыном. Она хранила у себя чудотворный образ Божией Матери, к которому часто обращалась в своих молитвах. 

Когда б этом узнали, воины, посланные иконоборствующим императором, пришли к ней в дом забрать святыню. Женщина умолила пришедших оставить у нее икону до утра, обещая им за это много денег. Корыстолюбивые воины согласились, при этом один из них, уходя, со злобой ударил икону Пресвятой Богородицы копьем. К его ужасу, из пронзенного места, как из живого тела, потекла кровь. Пораженный этим явлением, он с раскаянием упал перед иконой на колени. Впоследствии он оставил богоборчество и вступил в число братии Иверского Афонского монастыря. 

Чтобы спасти святыню от нового поругания, вдова вместе с сыном, помолившись перед чудотворной иконой, в ту же ночь отнесли ее на берег моря. Они опустили образ в воду и, к величайшей своей радости, увидели, что икона не упала ниц, но встала прямо и в таком положении понеслась по морю в западном направлении. Опасаясь преследования иконоборцев, вдова уговорила своего сына бежать из города. Юноша послушал ее и отправился на Святую Гору Афон, где принял иночество. Именно от него узнали афониты об иконе, пущенной на воду его матерью. 

В течение двух веков о судьбе иконы не было ничего известно. Однажды вечером иноки грузинского Иверского монастыря на Афоне увидели в море огненный столп, достигавший неба. Видение повторялось несколько дней и ночей подряд, и в конце концов все увидели, что столп сияет над иконой Божией Матери. Иноки хотели взять икону, но чем ближе подходили они к воде, тем дальше она от них уходила. Братия стали на молитву и усердно просили Господа, чтобы Он дозволил им взять святыню. 

В следующую ночь Пресвятая Богородица явилась во сне старцу Гавриилу, отличавшемуся строгой подвижнической жизнью и детски-простым нравом, и сказала: «Передай настоятелю и братии, что Я хочу дать им Мою икону в покров и помощь, потом войди в море и с верой иди по волнам — тогда все узнают Мою любовь и благоволение к вашей обители». Старец рассказал свой сон настоятелю. Наутро братия с молебным пением отправились на берег, старец безбоязненно пошел по воде, как по суше, и сподобился принять в свои объятия чудотворную икону. Иноки с благоговением и радостью встретили ее на берегу, устроили там небольшую часовню, в которой три дня и три ночи совершали пред святым образом молитвы, а потом перенесли его в соборный храм и поставили в алтаре. 

На другой день дежурный монах не нашел иконы на месте, и после долгих поисков братия обнаружили ее над монастырскими вратами. Икону отнесли на прежнее место, но она вновь оказалась над вратами. Так повторялось несколько раз. Наконец Пресвятая Богородица явилась старцу Гавриилу и сказала: «Передай братии: Я не хочу, чтобы Меня охраняли, но Сама буду вашей Хранительницей в этой жизни и в будущей. Я испросила вам у Бога Мою милость, и до тех пор, пока будете видеть Мою икону в обители, благодать и милость Сына Моего к вам не оскудеет». 

С течением времени иноки построили в честь Пресвятой Богородицы церковь над монастырскими вратами, в которой икона пребывает и поныне. По имени обители икона была названа «Иверской», а по месту, которое Она благоизволила выбрать для пребывания над монастырскими вратами, — «Вратарницей» («Портаитиссой»). 

Через паломников слух о чудотворной Иверской иконе распространился и в России. В 1648 году по заказу царя Алексея Михайловича была исполнена ее точная копия. Сохранились свидетельства, что «икона (новонаписанная) не рознится ничем от первой иконы, ни длиною, ни широтою, ни ликом — только слово в слово, аки старая)». Этот образ находился в палатах царицы Марии Ильиничны, а по ее кончине перешел к ее дочери Софии Алексеевне, принявшей монашество в Новодевичьем Богородице-Смоленском монастыре Москвы, где пребывает и доныне. 

Для москвичей, по повелению царя Алексея Михайловича, русскими иконописцами была сделана точная копия с привезенного со Святой Горы списка. Новая икона получила наименование Московской. Позднее для нее была построена часовня у Воскресенских ворот на Красной площади. Великая святыня Русской Православной Церкви — Московская Иверская икона — прославилась от Господа многими чудесами, она пользовалась необычайной любовью москвичей. В 1929 году часовня была уничтожена, а икону передали в храм Воскресения Христова в Сокольниках. В 1995 году Иверская часовня и Воскресенские ворота были восстановлены на прежнем месте, и с Афона в Москву прибыл новый список чудотворной Иверской иконы. Этот новый образ уже прославился многими чудесами.

~

Тропарь Божией Матери пред иконой Ее Иверской, глас 1-й

Дерзость ненавидящих образ Господень и держава нечестивых безбожно в Никею прииде, и послании безчеловечно вдовицу, благочестно чтущую икону Богоматере, истязуют, но тая нощию с сыном икону в море пусти, вопиющи: слава Тебе, Чистая, яко непроходимое море плещи своя подаде, слава правошествию Твоему, Едина Нетленная.

Ин тропарь Божией Матери пред иконой Ее Иверской, глас 1-й

От святыя иконы Твоея, о Владычице Богородице, исцеления и цельбы подаются обильно с верою и любовию приходящим к ней. Тако и мою немощь посети, и душу мою помилуй, Благая, и тело исцели благодатию Твоею, Пречистая.

Кондак Божией Матери пред иконой Ее Иверской, глас 8-й

Аще и в море ввержена бысть святая икона Твоя, Богородице, от вдовицы, не могущия спасти сию от врагов, но явилася есть хранительница Афона и вратарница обители Иверския, враги устрашающая и в православной Российстей стране чтущия Тя от всех бед и напастей избавляющая.

Величание

Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.

~

Акафист Пресвятой Богородице пред иконой Ее Иверской

Кондак 1

Взбранной Воеводе, Владычице нашей Богородице, похвальная пения приносим Ти раби Твои, яко пришествием честнаго образа Твоего стяжавшии щит крепкий, стену необоримую и стража неусыпна. Ты же, яко имущая державу непобедимую, покрый и защити нас, Владычице, от всех врагов видимых и невидимых и избави от всякаго вреда, душевнаго и телеснаго, да зовем Ти:
Радуйся, благая Вратарнице, двери райския верным отверзающая.

Икос 1

Ангел предстатель послан бысть рещи Богородице, егда паде Ей жребий апостольскаго служения в земли Иверстей: «Не разлучайся Иерусалима, жребий же, Тебе падший, просветится в последния дни, Ты же имаши потрудитися в земли, юже Тебе Бог изволит». Темже [зовем Ти]:
Радуйся, Еюже Евангелие благовестится; радуйся, Еюже идольская прелесть упразднится.
Радуйся, Еюже власть князя тмы разрушится; pадуйся, Еюже Царство Христово утвердится.
Радуйся, падших во тму идолослужения к свету Евангелия воззвание; радуйся, от рабства диаволу в свободу славы чад Божиих приведение.
Радуйся, готовая служительнице Сына Своего и Бога; радуйся, послушанием преслушание Евы исцеляющая.
Радуйся, высото добродетелей; радуйся, глубино смиренномудрия.
Радуйся, Еюже невернии познают Творца; радуйся, Еюже вернии усыновляются Отцу.
Радуйся, благая Вратарнице, двери райския верным отверзающая.

Кондак 2

Видящи Святая Дева дивное и новое о Себе промышление Божие, яко раба Господня, присно готовая творити волю Его, возопи: Аллилуия.

Икос 2

Разум недоразумеваемый глагола ангельскаго разумен Тебе, Пречистая, творя Господь, управи шествие Твое к Горе Афонстей, идеже проповедася Тобою Евангелие, и тако явися жребий Твой. Мы же радостно вопием:
Радуйся, освятившая Афон Своим пришествием; радуйся, низложившая тамо идолов.
Радуйся, насадившая тамо веру истинную; радуйся, неверие отгнавшая.
Радуйся, в жребий Себе Гору сию избравшая; радуйся, благодать сему месту обещавшая.
Радуйся, верным, живущим в ней, подательнице земных благ; радуйся, споручнице вечнаго их спасения.
Радуйся, теплая ходатаице о живущих в жребии Твоем; радуйся, всех врагов их устрашение.
Радуйся, милость Сына Своего до скончания века месту сему обещавшая; радуйся, благодать Его неотступною быти предрекшая.
Радуйся, благая Вратарнице, двери райския верным отверзающая.

Кондак 3

Сила Вышняго заступлением Богоматере осени Святую Гору, и удолия и дебри ея, яко село пространное показа, всем в иноческой жизни хотящим жати спасение, внегда пети сице: Аллилуия.

Икос 3

Имея промышление о жребии Своем, людех Иверския земли, устроила еси в месте, идеже Сама к Афону пристала еси, обитель роду их, в тихое пристанище ищущим спасения, хотя даровати ей в щит и ограждение икону Свою, да вси взывают:
Радуйся, пославшая проповедницу Евангелия в землю Иверскую; радуйся, обратившая сию страну от прелести идольской к свету Христову.
Радуйся, отрасли неувядаемыя розго, дивную лозу Нине даровавшая; радуйся, от нея произрастившая гроздие чудес и благия веры.
Радуйся, сад духовный на Афоне насадившая; радуйся, струю из него просвещения духовнаго стране Иверстей источившая.
Радуйся, Евфимия златословесныя уста; радуйся, Торникия непобедимая крепосте.
Радуйся, царей благочестивых укрепление; радуйся, иноков ограждение.
Радуйся, тихое пристанище ищущих спасения; радуйся, вечный покой им уготовляющая.
Радуйся, благая Вратарнице, двери райския верным отверзающая.

Кондак 4

Бурю внутрь имея помышлений сумнительных, честная вдовица, яже в Никеи, смятеся, зря копием воина иконоборца прободену святую и чтимую икону Богоматере и абие источившу кровь и, страхом обдержима, да не поругана будет святая икона, с молитвою слезоточащи вверже в море. Увидев же ю прямо верху воды путь творящу и текущу к западу, возопи с веселием: Аллилуия.

Икос 4

Видеша иноцы Святыя Горы явльшийся в мори яко пламень, яко столп огнен, егоже верх досязаше небеси, яко солнце сияющее, и в нощи притекоша к краю моря и, видевше святую икону Богоматере, по морю носимую силою свыше, возопиша Благодатней:
Радуйся, купино, Законоположником предзримая; радуйся, столпе огненный, наставляяй сущия во тме.
Радуйся, лествице, досязающая до небес, еюже сниде Бог; радуйся, мосте, преводяй сущих от земли на небо.
Радуйся, заре таинственнаго дне; радуйся, звездо, являющая Солнце.
Радуйся, Свет неизреченный родившая; радуйся, еже како ни единаго же научившая.
Радуйся, облеченная в солнце, сияющая благодатию и славою всей вселенней; радуйся, молние, души просвещающая и верных смыслы озаряющая.
Радуйся, светлосте, во тме светящая; радуйся, яко многосветлое возсияваеши просвещение.
Радуйся, благая Вратарнице, двери райския верным отверзающая.

Кондак 5

Боготечную икону Свою дати хотя Иверстей обители, рекла еси, Богомати, преподобному Гавриилу: «Иди с ликом иноков к брегу моря, сниди в пучину и приими икону Мою». Он же, верою и любовию окриляемь, по воде, аки по суху ходя, прият ю во объятия своя и, достигши сокровища, иным недостижимаго, в достояние иноков рода своего иверскаго, веселяся пояше: Аллилуия.

Икос 5

Видеша иноцы иверстии многажды икону Богоматере из храма в верху врат монастырских на стену града незримою силою изнесенную, ужасахуся и стояху, зовуще к ней таковая:
Радуйся, святую икону дати нам изволившая; радуйся, покров ю быти нам обещавшая.
Радуйся, любовь Твою к обители нашей показавшая; радуйся, благое о ней промышление явившая.
Радуйся, помощь наша в чуждей стране; радуйся, в странствии нашем утешение.
Радуйся, Божие к нам благоволение; радуйся, наше к Богу дерзновение.
Радуйся, слез наших избавление; радуйся, сирых нас защитнице.
Радуйся, ограждение наше; радуйся, едина радосте наша.
Радуйся, благая Вратарнице, двери райския верным отверзающая.

Кондак 6

Проповедника творя Гавриила воли Своея, рекла еси к нему, Владычице: «Не приидох хранима быти от вас, но да буду Аз хранительница ваша не токмо в настоящем, но и в будущем веце. Се даю вам знамение: дондеже зрите в монастыре икону Мою, не оскудеет вам благодать Сына Моего и милость», да вопиют Ему вси: Аллилуия.

Икос 6

Возсия радость велия слышавшим Твоя, Богомати, обетования, и Тебе, небесней Вратарнице, храм на вратех обители с веселием иноцы воздвигоша и возопиша тако:
Радуйся, хранительнице наша в настоящем веце; радуйся, предстательнице наша в будущем.
Радуйся, страху Божию нас научающая; радуйся, на путь добродетели наставляющая.
Радуйся, дерзновение наше и надеждо; радуйся, упование наше и покров.
Радуйся, благоутробие Сына Своего к нам преклонившая; радуйся, благодать Его неоскудно пребывати с нами возвещающая.
Радуйся святую икону залогом милости давшая; радуйся, дар чудодействия ей даровавшая.
Радуйся, прилог всякаго зла от обители отражающая; радуйся, всему благому вход отверзающая.
Радуйся, благая Вратарнице, двери райския верным отверзающая.

Кондак 7

Хотящу иногда злочестивому Амире обитель Иверскую разорити и стадо иноков, тамо собранное, разсеяти, скоро позна крепкое обители заступление от Богоматере, увидев корабли своя в пучине моря погрязшия и ратники изгибшия. И пришед со смирением, сребро и злато в обитель даяше, молитвы прося. Иноцы же, видевше сия, возопиша к Богу: Аллилуия.

Икос 7

Новыя и безчисленныя чудеса показа Богоматерь, в обители оскудение вина, муки и елея восполняющи, бесныя исцеляя, хромым даруя хождение, слепым прозрение и всяк недуг врачуя, да, видяще чудеса сия, воспевают Тебе:
Радуйся, Взбранная Воеводо, враги побеждающая; радуйся, скорая на помощь призывающим Тя.
Радуйся, не презирающая моления нашего; радуйся, обещания Своего не отступающая.
Радуйся, скорбь обители в радость претворяющая; радуйся, оскудение обители восполняющая.
Радуйся, слепых прозрение; радуйся, хромых хождение.
Радуйся, всех немощных целительнице; радуйся, всех скорбных утешительнице.
Радуйся, яко не престаеши промышляющи и спасающи нас; радуйся, яко от толиких бед избавляеши нас.
Радуйся, благая Вратарнице, двери райския верным отверзающая.

Кондак 8

Странно покрываемую от иконы Богоматере обитель Иверскую слышав патриарх Никон, вожделе и Российстей стране благодати Ея стяжати причастие, сего ради, создав обитель в честь славнаго образа, со тщанием испроси изображение чудотворнаго образа Богоматере, да, покровом Ея защищаеми, вопиют Богу: Аллилуия.

Икос 8

Вся сущи в вышних, но и нижних не отступая, благоизволила еси, Богомати, якоже древле Антонию даровася благословение Горы Афонския на утверждение обители Печерския, даровати и новой обители в стране Российстей Свою благодать, еюже благословила еси Афон, в подобии честнаго образа Твоего. Темже взываем Ти:
Радуйся, страны Российския покрове, ширший облака; радуйся, православныя веры в ней ограждение и утверждение.
Радуйся, Православныя Церкве непоколебимый столпе; радуйся, ересей и расколов обличение.
Радуйся, светлыми лучами чудотворных икон всю страну озаряющая; радуйся, дары исцелений и милостей от них источающая.
Радуйся, скиптры царей наших утверждение; радуйся, врагов устрашение.
Радуйся, святителей веселие; радуйся, иереев похвало.
Радуйся, иноков наставнице; радуйся, всего рода нашего спасение.
Радуйся, благая Вратарнице, двери райския верным отверзающая.

Кондак 9

Всяко тщание имуще о написании честнаго образа милостивыя Вратарницы, сонм постников иверских молебная пения совершает, водою от чудныя иконы омывает дску, на нейже имать изобразитися честный образ, и преподобнаго Иамвлиха освящает, иже подвизався в посте, молитве и бдении со всею братиею, списа вапы, святою водою и мощами освященными, честное изображение Богоматере, выну моляся и вопия Богу: Аллилуия.

Икос 9

Вития многовещанныя, яко рыбы безгласныя, видим о Тебе, Богородице, недоумеют бо, како по достоинству похвалити вся чудеса Твоя, явленная роду нашему от святыя Твоея иконы: еще бо на пути в Российскую страну чудодействоваше, благочестивому Мануилу повелевая выкуп дати неверным, возбраняющим шествие святыя иконы в страну Русскую, и сугубо ему послежде отдавши. Мы же, дивящеся, верно вопием Ти:
Радуйся, источниче чудес неисчерпаемый; радуйся, всякия милости подательнице.
Радуйся, всегда теплая о нас ходатаице к Богу; радуйся, промышления Его о нас сокровище.
Радуйся, сущим в бедах прибежище; радуйся, скорбящих утешение.
Радуйся, больных исцеление; радуйся, немощных укрепление.
Радуйся, вдов заступление; радуйся, сиротствующих милосердая Мати.
Радуйся, заблуждающих на путь истины обращение; радуйся, грешников к покаянию воззвание.
Радуйся, благая Вратарнице, двери райския верным отверзающая.

Кондак 10

Спасти хотя многия люди от бед и скорбей, источаеши, Богомати, неоскудный источник милости от Своея иконы роду нашему: себо и в царствующем граде Москве, благая Вратарница, являешися всем покланяющимся Тебе, скорое вспоможение подавая, и в новой обители Иверстей благодати струи от иконы Твоея испущаеши, и во иных градех, обителех и весех чтущим Тя полезное прошение исполняя. Темже, прославляя Бога, давшаго нам благодать таковую, вопием Ему: Аллилуия.

Икос 10

Стена еси иноческому чину, Богородице, и всем, к Тебе прибегающим, ибо небесе и земли Творец, вселься в девственной утробе Твоей, научи всех чистоты и целомудрия ревнителей возглашати Тебе:
Радуйся, девства сосуде избранный; радуйся, чистейший образе целомудрия.
Радуйся, чертоже безсеменнаго уневещения; радуйся, Невесто неневестная.
Радуйся, Сеятеля чистоты рождшая; радуйся, верных Господеви сочетавшая.
Радуйся, в бури искушений скорая помощнице; радуйся, прилоги врага отражающая.
Радуйся, мглу душевредных страстей отгоняющая; радуйся, помыслы очищающая.
Радуйся, земныя сласти презирати научающая; радуйся, к горнему умы и сердца направляющая.
Радуйся, благая Вратарнице, двери райския верным отверзающая.

Кондак 11

Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Владычице наша Богородице, ничтоже совершаем достойно, яже подаваеши нам, о Тебе вопиющим: Аллилуия.

Икос 11

Светоприемную свещу, сущим во тме бед явльшуюся, зрим святую икону Богоматере: невещественный бо огнь благодати приемлющи, лучами чудес всех озаряет, научая сице взывати Благословенней:
Радуйся, во всяких нуждах скорое вспоможение; радуйся, в печалех быстрое услышание.
Радуйся, от огня, меча и нашествия иноплеменных нас избавляющая; радуйся, от глада и напрасныя смерти нас свобождающая.
Радуйся, от язвы и всегубительства смертнаго нас соблюдающая; радуйся, бедствующим в пути, на суше и на водах внезапное вспоможение.
Радуйся, язв душевных и телесных врачевание; радуйся, оставленных врачами в Свои руки приемлющая.
Радуйся, милосердая утешительнице всех скорбящих и обремененных; радуйся, не отвергающая всех презренных и отверженных.
Радуйся, самых отчаянных из рова погибели исхищающая; радуйся, и мене, обнаженнаго добрых дел, не оставляющая Своим покровом и заступлением.
Радуйся, благая Вратарнице, двери райския верным отверзающая.

Кондак 12

Благодать дати восхотев долгов древних, всех долгов Решитель человеком, прииде Собою ко отшедшим Того благодати и, раздрав рукописание, дарованам крепкое Богоблагодатныя ходатайство, да вопием вси молитвами Ея: Аллилуия.

Икос 12

Поюще Твоя чудеса, являемая нам в жизни сей, хвалим Тя, Богородице, яко неисчерпаемый источник милости. Но, припадая к Тебе пред чудотворною иконою Твоею, молим Тя смиренно, буди нам покров и защищение и в день кончины нашея, и егда имамы предстати на Суд страшному престолу Сына Твоего, да вопием Ти:
Радуйся, во славе приседящая престолу Сына Твоего и тамо нас воспоминающая; радуйся, с Сыном Твоим и Богом вечно царствующая и о нас ходатайствующая.
Радуйся, уповающим на Тя конец живота непостыден дающая; радуйся, безболезненную и мирную кончину устрояющая.
Радуйся, мытарств горьких избавление; радуйся, от власти князя воздушнаго свобождение.
Радуйся, грехов наших непоминовение; радуйся, по Господе упование нам блаженныя жизни.
Радуйся, уповающим на Тя, одесную Сына Твоего стояние устрояющая; радуйся, блаженнаго гласа онаго, небеснаго Царствия наследие обещающаго, слышати сподобляющая.
Радуйся, благая Мати, всех чтущих Тя жити с Собою вселяющая; радуйся, крепкая надеждо вечнаго спасения всем христианом.
Радуйся, благая Вратарнице, двери райския верным отверзающая.

Кондак 13

О, Всепетая Мати, Пресвятая Госпоже Дево Богородице! Призри на нас, приносящих смиренно со слезами малыя сия молитвы пред пречистым Твоим образом и все упование и надежду возложивших на Тя, и избави нас всех бед и напастей в животе сем и будущия изми муки, да спасаемии Тобою, вопием выну: Аллилуия.

Этот кондак читается трижды, затем икос 1-й и кондак 1-й.

Молитва

О, Пресвятая Дево, Мати Господа, Царице небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию покланяющихся пречистому образу Твоему. Се бо, грехми погружаемии и скорбьми обуреваемии, взирая на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.