22 ноября празднование иконы Божией Матери «Скоропослушница»
Чудотворная икона Божией Матери «Скоропослушница» — одна из древнейших икон Богородицы. Первообраз иконы находится на Святой Горе Афон в монастыре Дохиар, который посвящен святым Архангелам Михаилу и Гавриилу.
История иконы насчитывает уже более тысячи лет. По монастырскому преданию, она была написана по благословению основателя Дохиарской обители преподобного Неофита в X–XI веках. Предполагают, что икона является списком с чтимого образа Божией Матери, находившегося в городе Александрия. Свое имя «Скоропослушница», известное ныне всему православному миру, икона получила позже — в 1664 году, когда от нее произошло чудо, о котором повествуется в монастырском сказании.
В середине XVII столетия в Дохиарской обители подвизался монах Нил, исполнявший послушание трапезаря (повара). Каждый раз, спускаясь из кухни в подсобные помещения, он, чтобы лучше видеть, держал в руках зажженную лучину. По пути он проходил мимо большой иконы Пресвятой Богородицы, написанной в нише внешней стены трапезной. Там, по привычке и невниманию, он прислонял лучину к стене рядом с иконой, и дым от лучины коптил образ Богородицы. Однажды Нил, проходя своим обычным путем, неожиданно услышал голос, произнесший: «Впредь не подходи сюда с зажженной лучиной и не копти Моего образа». Нил сначала испугался, но потом подумал, что это кто-то из братии подшутил над ним, и поэтому пренебрег предупреждением. Прошло несколько дней, а он продолжал прислонять рядом с иконой свою коптящую лучину. И тогда во второй раз услышал голос: «Монах, недостойный этого имени, долго ли тебе так беспечно и бесстыдно коптить Мой образ?» При этих словах Нил неожиданно потерял зрение. Только тогда он понял, от Кого действительно исходил неведомый глас. Утром братия нашла его лежащим навзничь пред святым образом. Он рассказал братии о случившемся с ним, искренне исповедовал свой грех неблагоговейного обращения с образом Божией Матери и признал себя достойным такого наказания. Иноки затеплили перед иконой неугасимую лампаду, а Нил решил не отходить от иконы до тех пор, пока не получит исцеление от слепоты. День и ночь он молился и плакал, обращаясь к Богородице, в раскаянии испрашивая себе прощение. Милостивая Богородица услышала его молитву, и в один из дней, когда он молился пред иконой, он услышал голос: «Твоя молитва услышана, прощаю тебя и вновь даю зрение твоим очам. Возвести братии обители, что Я — их покров и защита монастыря. Пусть они и все православные прибегают ко Мне в нуждах, и никого Я не оставлю. Всем призывающим Меня буду Я Предстательница, и по ходатайству Моему Сын Мой исполнит прошения их. И будет икона Моя именоваться Скоропослушницей, потому что всем, притекающим ко мне, буду оказывать скорую милость и исполнение прошений». После этих слов Нилу вернулось зрение.
Весть обо всем свершившимся перед чудотворным образом стремительно разошлась по Афону и привлекла множество иноков на поклонение святыне. В монастыре было установлено особое чествование иконе «Скоропослушница». Братия Дохиарской обители заложили вход в трапезную, чтобы оградить место, где находился образ. В 1723 году в честь иконы, прославившейся множеством чудес, монахи построили собор. Был избран особо благоговейный иеромонах для безотлучного нахождения у иконы и совершения перед ней молебнов. Ныне ежегодно монастырь назначает двух иеромонахов, которые принимают многочисленных паломников и поочередно исполняют псалмы пред иконой Богородицы и следят за лампадами. Кроме того, эти монахи принимают разного рода подношения и заботятся о чистоте и прочих нуждах часовни. Вечером каждого вторника и четверга вся братия монастыря поют пред иконой умилительный канон Божией Матери, священник поминает на ектениях всех православных христиан и молится о мире всего мира. Во вторник Светлой седмицы в Дохиаре проводится крестный ход с чудотворным списком иконы «Скоропослушница», сделанного с монастырской фрески.
В июле 1996 года древняя фреска была помещена в особом киоте в соборе в честь иконы «Скоропослушница», а на ее историческом месте сделана копия.
В последующие времена чрез Свою святую икону Пресвятая Богородица совершала многие исцеления: даровала зрения слепым, восставляла расслабленных, избавляла от кораблекрушений, освобождала из плена. Пресвятая Матерь Божия поныне исполняет Свое обещание — являет скорую помощь и утешение всем, прибегающим к Ней с верой. Пред Ее святым образом молятся за детей и о помощи в родах, о рождении здорового ребенка, просят о духовном прозрении, когда человек находится в растерянности и не знает, как поступить, о помощи в излечении от различных заболеваний, в том числе онкологических, во всех случаях, когда нужна особенно скорая и действенная помощь в Ее молитве к Сыну.
В Россию списки с чудотворной Афонской иконы «Скоропослушница» в большом количестве стали поступать со Святой Горы Афон в XIX веке. Они пользовались большой любовью и почитанием. Многие из них также прославились чудотворениями.
Образ иконы Божией Матери «Скоропослушница» относится к типу Одигитрии — «Путеводительницы». Младенец, сидящий на левой руке Богоматери, благословляет правой рукой, а в левой держит свиток. Для иконы характерна обращенность правой пяточки Богомладенца к молящимся. Позднее Богоматерь на иконе подобного типа стали писать в короне.
Один из чтимых списков иконы Божией Матери «Скоропослушница» в Москве находится в настоящее время в храме Архангела Гавриила Антиохийского патриаршего подворья.
Тропарь Божией Матери пред иконой Ее «Скоропослушница», глас 4-й
К Богородице притецем, сущии в бедах, и ко святей иконе Ея ныне припадем, с верою зовуще из глубины души: скоро наше услыши моление, Дево, яко Скоропослушница нарекшаяся. Тебе бо раби Твои в нуждах готовую Помощницу имамы.
Кондак Божией Матери пред иконой Ее «Скоропослушница», глас 8-й
В мори житейстем обуреваемии, треволнению подпадаем страстей и искушений. Подаждь убо нам, Госпоже, руку помощи, якоже Петрови Сын Твой, и ускори от бед избавити ны, да зовем Ти: радуйся, Всеблагая Скоропослушнице.
Акафист Пресвятой Богородице пред иконой Ее «Скоропослушница»
Кондак 1
Избранной от всех родов Божией Матери и Царице, скоропослушливо внемлющей молитвам смиренным, и токи целебныя изливающей верным от иконы Своея святыя, благодарственное приносим пение: Ты же, всемилостивая Заступнице, преклонися благоутробно к гласом нашим хвалебным и от всяких бед свободи ны, зовущия Ти:
Радуйся, всеблагая Скоропослушнице, прошения наша во благо исполняющая.
Икос 1
Ангелов лицы благоговейно Тебе служат, и вся Небесныя Силы немолчными гласы Тя ублажают, Богородице Дево, яко рождшую Ангелов Царя Христа Бога, мы же грешнии, подражати им дерзающе и достойно благохвалити Тя недоумеюще, смиренномудренно вопием Ти:
Радуйся, неприступнаго Божества селение; радуйся, Ангельское непрестающее удивление.
Радуйся, Трапезо святая, хлебом жизни нас питающая; радуйся, маслино благоплодная, елеем милости сердца наша умащающая.
Радуйся, даров Божия благодати сокровищнице неистощимая; радуйся, чудес реко приснотекущая.
Радуйся, обидимых заступнице; радуйся, печальных утешительнице.
Радуйся, бедствующих Помощнице; радуйся, болящих целительнице.
Радуйся, разслабленных укрепительнице; радуйся, плененных свободительнице.
Радуйся, всеблагая Скоропослушнице, прошения наша во благо исполняющая.
Кондак 2
Видяще милосердие Твое неисчетное, Владычице, и многая чудеса, Тобою явленная и присно являемая чрез святыя иконы Твоя, имиже, яко звездами богосветлыми, весь мир христианский украсила еси, величаем Тя, возвеличившую род наш Твоим благоволением, и с любовию покланяемся пречистаго лика Твоего изображению, зовуще Сыну Твоему Христу Богу: Аллилуия.
Икос 2
Разум небесный открывающе, Богородице, благоволила еси в земном жребии Твоем, Святей Горе Афонстей, многими чудесы прославити икону Твою, юже Сама Скоропослушницею наименовала еси гласом Божественным от нея изшедшим, да вси ведуще таковое Твое о ней благоволение, песненно Тебе вопиют:
Радуйся, милосердая всех нас о Христе Мати; радуйся, Духа Святаго жилище.
Радуйся, любве Божия к человеком проявление; радуйся, рода человеческаго возвышение.
Радуйся, светлая палато Бога Слова; радуйся, святая святых большая.
Радуйся, рождшая Божественнаго Агнца; радуйся, возрастившая нам клас живота.
Радуйся, брашна негиблющаго стамно всезлатая; радуйся, Питательнице Питателя вселенныя.
Радуйся, яко предстательством Твоим спастися уповаем; радуйся, яко молитвами Твоими наследие небесное получити чаем.
Радуйся, всеблагая Скоропослушнице, прошения наша во благо исполняющая.
Кондак 3
Силою Божиею действующи, неблагоговейно ходившаго пред святою Твоею иконою Дохиарския обители трапезаря Нила слепотою и разслаблением тела наказала еси, Богородице Дево, да прочее не дерзает оскорбляти Тя в пречистем Твоем образе, егоже в залог благоволения Твоего всей Афонстей Горе даровала еси милостиво, да вси насельницы ея гласы преподобными вопиют рождшемуся от Тебе Богу Слову: Аллилуия.
Икос 3
Имея любовь велию к людем, искупленным кровию Сына Твоего и Бога, Владычице Всеблагая, покаяние трапезаря Нила милостиво прияла еси и исцеление ему от слепоты и разслабления даровала еси, да служит непрестанно Тебе и молитвы немолчныя приносит Ти пред многоцелебною Твоею иконою, взывая сице:
Радуйся, Иоакима и Анны прозябение святое; радуйся, рождшая Сокрушившаго главу древняго змия.
Радуйся, Преблагословенная в женах; радуйся, рождшая нетленно Спаса душ наших.
Радуйся, девство и рождество чудесно сочетавшая; радуйся, во обою непорочно Себе сохраньшая.
Радуйся, всея вселенныя велие чудо; радуйся, всех родов земных удивление.
Радуйся, согрешающих исправление; радуйся, кающихся в добродетели утверждение.
Радуйся, непамятозлобная наказательнице; радуйся, благосердая вразумительнице.
Радуйся, всеблагая Скоропослушнице, прошения наша во благо исполняющая.
Кондак 4
Бури житейския избежавшии и в тихое пристанище спасения на Гору Афонскую притекшии, обретают зде утешение благодатное и помощь Божественную от святыя иконы Твоея, Богородице, от неяже лучи чудес испущаеши, и токи милости Твоея изливаеши неоскудно. Темже вси хотящии в пустынех Афона жати спасение, величая Матерния щедроты Твоя, благодарственно воспевают Богу: Аллилуия.
Икос 4
Слышав глас Божественный от святыя иконы Твоея, Владычице, трапезарь Нил позна Тя Скоропослушницу быти всем, с верою и любовию притекающим к чудотворному Твоему образу, и, прияв от него вразумление своему невежествию и прозрение своим слепотствующим очесем, возгласи Тебе благодарственно от души:
Радуйся, временным наказанием невежд умудряющая; радуйся, согрешающих покаяние милостиво приемлющая.
Радуйся, на путь исправления заблуждающихся направляющая; радуйся, раны греховныя благоутробно врачующая.
Радуйся, в нерадении коснеющих любвеобильно обличающая; радуйся, горестию телесных страданий вечных мук избавляющая.
Радуйся, волнение страстей утишающая; радуйся, руку помощи Твоея погибающим простирающая.
Радуйся, безнадежных надеждо; радуйся, скорбящих отрадо.
Радуйся, нагих одеяние; радуйся, сирых призрение.
Радуйся, всеблагая Скоропослушнице, прошения наша во благо исполняющая.
Кондак 5
Боговещанныя глаголы Твоя уведевше, иноцы обители Дохиарския Тебе, Божественней Скоропослушнице, храм соорудиша при трапезе, идеже чудотворная икона Твоя пребывает, Пречистая Дево, и вся верныя утешает знаменьми Твоея милости, еяже не лиши и нас смиренных, по долгу Тя воспевающих, и вопиющих чудес Творцу Богу: Аллилуия.
Икос 5
Видевше токи чудес, от святыя иконы Твоея Скоропослушницы источаемыя, вси иноцы Горы Афонския стекахуся к ней на поклонение. Ты же, Мати Божия, всем, по коегождо потребе, дары милости Твоея неоскудно подавала еси от чудотворнаго Твоего образа, подвизая благодарно вопити Тебе:
Радуйся, Мати милосердия и щедрот; радуйся, одушевленный Престоле Вседержителя.
Радуйся, Сыну Божию плоть заимодавшая; радуйся, чертоже безсеменнаго уневещения.
Радуйся, Безплотнаго воплотившая; радуйся, Бога с человеки соединившая.
Радуйся, преподобных всежелательное зрение; радуйся, постников Божественное радование.
Радуйся, пустынножителей тихое веселие; радуйся, иноков крепкое упование.
Радуйся, демонския полки побеждающая; радуйся, враги спасения человеческаго посрамляющая.
Радуйся, всеблагая Скоропослушнице, прошения наша во благо исполняющая.
Кондак 6
Проповедует Гора Афонская милости и чудеса Твоя, Преблагословенная Мати Господа нашего, и светло красуется многими чудотворными Твоими иконами, посреде коих икона Твоя, Скоропослушница Тобою нареченная, яко луна полная, лучами чудес немерцаемо сияет, просвещая души наша светом Божия благодати и подвизая нас хвалебно взывати прославльшему Тя Триединому Богу: Аллилуия.
Икос 6
Возсиял еси в пречистей иконе Твоей, Марие Богородице, свет спасения всем, блуждающим во тьме грехов и страстей, и сию нарекла еси Скоропослушницею, молящимся пред нею с верою и благоговением от души, скорую помощь Твою подающи вопиющим Ти таковая:
Радуйся, молние, души просвещающая; радуйся, громе, соблазняющия устрашаяй.
Радуйся, благоотишное прибежище утомленных треволнением житейскаго моря; радуйся, небурное пристанище обуреваемых волнами страстей.
Радуйся, юных наставнице целомудрия; радуйся, покрове и ограждение девства.
Радуйся, окаменение сердечное умягчающая; радуйся, хладность душевную благодатно согревающая.
Радуйся, на стезю спасения верных наставляющая; радуйся, от путей погибельных претыкающихся удаляющая.
Радуйся, Споручнице наша к Сыну Твоему и Богу; радуйся, присно умоляющая Его о помиловании нас грешных.
Радуйся, всеблагая Скоропослушнице, прошения наша во благо исполняющая.
Кондак 7
Хотящи всем показати любовь Твою велию к христианскому роду, Богородице Преблагая, в жребий Твой земный Гору Афонскую избрала еси и в ней селения иноческая умножила еси, да вси обуреваемии мирскою суетою, возмогут обретати зде тихое и удобное пристанище ко спасению, и Тобою вспомоществуеми, сподобятся наследия Небеснаго, и пети со святыми Пресвятей Троице: Аллилуия.
Икос 7
Новое знамение милосердия Твоего явила еси, Владычице, в чудеснем прославлении святыя иконы Твоея Скоропослушницы, не токмо иноком Горы Афонския, но и всем православным христианом, в нихже благоговейно чествуется сея иконы Твоея изображение, да вси Тебе зовут:
Радуйся, Бога нашего Мати; радуйся, в рождестве и по рождестве Дево.
Радуйся, яко Тя блажат вси роди; радуйся, яко сотвори Тебе величие Сильный.
Радуйся, яко призре на смирение Твое Господь; радуйся, яко возжеле доброты Твоея Царь царей.
Радуйся, Дщи благословенная Отца Небеснаго; радуйся, Родительнице неискусомужная Сына Предвечнаго.
Радуйся, приятелище непорочное Духа Святаго; радуйся, Таиннице Божественныя благодати.
Радуйся, горняго мира украшение; радуйся, дольняго мира заступление.
Радуйся, всеблагая Скоропослушнице, прошения наша во благо исполняющая.
Кондак 8
Странники и пришельцы есмы на земли и, по глаголу апостола, не имамы зде пребывающаго града, но к кому прибегнем, Владычице, в скорбех странствия нашего, аще не к Тебе, Всеблагая? Не отвержи нас, Мати Божия, не рцы нам: «Не вем вас, грехов ради ваших!», но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе небесней Царю славы Христу: Аллилуия.
Икос 8
Всем верным утешительно есть взирати на святую икону Твою, Владычице, на нейже зрим Тя, на руку Твоею держащую Предвечнаго Младенца Господа нашего Иисуса Христа, Емуже покланяющеся боголепно, яко Творцу и Богу нашему, Тебе, истинней Богородице, умиленно глаголем:
Радуйся, обрадованная архангельским благовещением, Приснодево; радуйся, Невесто Неневестная.
Радуйся, Мати Света умнаго, всех души просвещающаго; радуйся, Престоле одушевленный Небесе и земли Творца.
Радуйся, кроткая голубице; радуйся, непорочная агнице.
Радуйся, чаше, черплющая радость; радуйся, неисчерпаемый сосуде воды животныя.
Радуйся, мироположнице благоухания Христова; радуйся, Еюже злосмрадие страстей наших отгонится.
Радуйся, Еюже познахом Сына Божия; радуйся, Еюже научихомся покланятися Триединому Богу.
Радуйся, всеблагая Скоропослушнице, прошения наша во благо исполняющая.
Кондак 9
Вси роди блажат Тя по долгу, благословенная Марие Богородице, от востока бо и до запада хвально имя Твое, иноков же лицы Покровительницу Тя свою именуют, наипаче подвизающиися в жребии Твоем Горе Афонстей, юже особым благоволением Твоим осенила еси, многая чудеса в ней содевающи, и милости Твоя богатыя насельником ея являющи, да благодарно вопиют о Тебе Богу: Аллилуия.
Икос 9
Ветии суемудреннии недоумевают познати тайну Твоего приснодевства, Богородице, ниже могут изъяснити силу чудотворную, от икон Твоих проистекающую, во исцеление недужных и на всяку пользу душевную и телесную человеком. Мы же православно и несумненно Приснодеву Тя исповедующе, верно покланяемся иконе Твоей святей и вопием Ти сице:
Радуйся, неверных сумнительное слышание; радуйся, верных известная похвало.
Радуйся, из боку чисту Христа нетленно рождшая; радуйся, ключи девства невредившая в Рождестве Твоем.
Радуйся, Мати и Дево преблагословенная; радуйся, Богородице препрославленная.
Радуйся, дев величание; радуйся, матерей присное радование.
Радуйся, едина непорочная и добрая в женах; радуйся, рождшая обетованнаго Сокрушителя главы змия.
Радуйся, падших прародителей осуждения древняго избавльшая; радуйся, Эдем, заключенный человеком, отверзшая Рождеством Твоим.
Радуйся, всеблагая Скоропослушнице, прошения наша во благо исполняющая.
Кондак 10
Спасение устрояющи христоименитым людем, благоволила еси, Богородице, земный жребий Твой, Гору Афонскую, в население иноком определити, и рекла еси в видении первому пустынножителю афонскому, преподобному Петру, быти Горе сей в жилище иноком присное, обетовании благими утешивши его, яко будеши Помощница и Покровительница всем, подвизающимся в ней богоугодно, дарами потребными их снабдевающи и от всяких бед спасающи, да невозбранно поют Богу: Аллилуия.
Икос 10
Стена еси заступления, Дево, иноком православным и всем подвижником девства и чистоты. Темже жребий Твой земный, Гору Афонскую, невходну женам сотворила еси, да без соблазна греховнаго пребывают в ней иноцы, на Тебе едину по Бозе надежду спасения возлагающе и Тебе зовуще сице:
Радуйся, неувядаемый цвете девства; радуйся, крине сельный чистоты.
Радуйся, светоносная сене небесная, ревнителей чистоты осеняющая; радуйся, премудрости Божия свитче, рачителей целомудрия умудряющая.
Радуйся, иноком благоподвизающимся Ходатаице спасения; радуйся, пустынножителей Горы Афонския Покрове и Ограждение.
Радуйся, радость благодатную изливающая в сердца боголюбивыя; радуйся, утешение духовное подающая душам огорченным.
Радуйся, младопитательнице дев и безматерних сирот; радуйся, любовию Жениха безсмертнаго девственная ликостояния услаждающая.
Радуйся, в тяжкой борьбе с прираженьми страстей плотских крепкая помощнице; радуйся, обителей иноческих неусыпная блюстительнице.
Радуйся, всеблагая Скоропослушнице, прошения наша во благо исполняющая.
Кондак 11
Пение наше смиренное, от полноты любве и усердия Тебе приносимое, не презри, Чистая, и не отвратися от нас, оскверненных многими грехми, но помози нам, Всеблагая, покаянием очиститися от скверны греховныя и преуспети в чистем и богоугоднем житии, Тя подвигоположницу и помощницу в сем имуще, да возможем достойно и праведно вопити ко Господу: Аллилуия.
Икос 11
Светлыми лучами чудес святая икона Твоя немерцаемо сияет, Богородице Дево, и весь мир благодатно озаряет, прогоняющи всякое вражие действо силою Божиею, от нея исходящею; темже радуемся мы, грешнии, имуще таковый залог Твоего к нам благоволения, и Тебе, Скоропослушнице молений наших, благодарственно взываем:
Радуйся, деннице солнца незаходимаго; радуйся, заре дне невечерняго.
Радуйся, утро спасения нам возсиявшая; радуйся, рождшая Жениха безсмертнаго душ человеческих.
Радуйся, желания наша богоугодная исполняющая; радуйся, в скорбех и обстояниих на помощь к нам благоутробно ускоряющая.
Радуйся, раю мысленный, всякаго утешения духовнаго преисполненный; радуйся, от исполнения Твоего и нам капли утешения источающая.
Радуйся, зной страстей наших прохлаждающая; радуйся, благодатное безстрастие ищущим его усердно подающая.
Радуйся, всех в чистоте целомудрия живущих зело любящая; радуйся, в сониих и видениих избранники Божия посещающая.
Радуйся, всеблагая Скоропослушнице, прошения наша во благо исполняющая.
Кондак 12
Благодать Божия, присущая святей иконе Твоей, Скоропослушница Тобою нареченней, Богомати Владычице, влечет к ней всех скорбящих и обремененных, и не тщи отходят они от сего источника Твоих милостей и щедрот: в скорбех отраду, в напастех защиту, в болезнех цельбу неоскудно получая от чудотворнаго образа Твоего, Всеблагая, и благодарственно вопиют благих подателю Богу: Аллилуия.
Икос 12
Поюще чудеса Твоя, Владычице, и велию милость Твою к христианскому роду, вемы, яко недовольни есмы к достойному прославлению Тебе, Честнейшая Херувим и Славнейшая без сравнения Серафим, обаче надеющеся на безприкладное милосердие Твое, Всеблагая, смиренномудренно приносим Ти песни таковыя:
Радуйся, пристанище небурное подвижников благочестия; радуйся, безмолвствующих сладкая собеседнице.
Радуйся, в пустынех и горах скитающихся благодатная отрадо; радуйся, тайных среди мира рабов Божиих тайное вразумление.
Радуйся, грешников кающихся с Богом примирение; радуйся, Горы Афонския верховная Правительнице.
Радуйся, Петра пустыннолюбиваго посещением Твоим зде озарившая; радуйся, Афанасия богомудраго явлением Твоим облагодатствовавшая.
Радуйся, многия преподобныя Афонския славою небесною прославльшая; радуйся, насельником Горы сея особную любовь Твою являющая.
Радуйся, телес наших безмездная Целительнице; радуйся, душ наших к Царствию Горнему Путеводительнице.
Радуйся, всеблагая Скоропослушнице, прошения наша во благо исполняющая.
Кондак 13
О Всепетая Мати, Скоропослушница нарекшаяся во святей иконе Твоей, Богородице Марие! Приими милостивно сие малое моление наше, еже от усердия нашего принесохом Ти с верою и любовию, и умоли приснопокланяемую Троицу избавити ны геенны огненныя, тьмы несветимыя и мучения вечнаго: да предстательством Твоим унаследуем Царствие Небесное, и сподобимся со святыми пети Богу: Аллилуия.
Этот кондак читается трижды, затем 1-й икос и 1-й кондак.
Молитва
Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех приимшая, море неисчерпаемое Божественных дарований явльшаяся и чудес приснотекущая река, изливающая благодать всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки: удиви на нас пребогатыя милости Твоя, и прошения наша, приносимая Тебе, Скоропослушнице, исполнити ускори, вся, яже на пользу во утешение и спасение, коемуждо устрояющи. Посети, Преблагая, рабы Твоя благодатию Твоею и подаждь недугующим цельбу и совершенное здравие, обуреваемым тишину, плененным свободу и различными образы страждущих утеши; избави Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением гнев Божий от нас отвращающи; такожде и от душевнаго разслабления, обуревания страстей и грехопадений свободи рабы Твоя, яко да непреткновенно, во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение, со Безначальным Его Отцем и Пресвятым Духом, ныне и присно и во веки веков. Аминь.
Молитва иная
О пресвятая Дево, Мати Господа Вышняго, скоропослушная Заступнице всех, к Тебе с верою прибегающих! Призри с высоты небеснаго величия Твоего на мя непотребнаго, ко святей иконе Твоей припадающа: услыши скоро смиренную молитву мене грешнаго и принеси ю к Сыну Твоему: умоли Его, да озарит мрачную душу мою светом Божественныя благодати Своея и очистит ум мой от помыслов суетных, да умирит страждущее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит от вечныя муки и не лишит Небеснаго Своего Царствия. О преблагословенная Богородице! Ты благоизволила еси нарещися во образе твоем Скоропослушница, повелевающи всем притекати к Тебе с верою: не презри убо мене скорбнаго и не попусти погибнути мне в бездне грехов моих. На Тя по Бозе все мое упование и надежда спасения, и Твоему покрову и предстательству вручаю себе во веки веков. Аминь.
