6 ноября празднование иконы Божией Матери «Всех скорбящих Радость»

«Всех скорбящих Радость» — начальная строка одной из богородичных стихир, так именуют и икону Пресвятой Богородицы, почитаемую в Русской Православной Церкви чудотворной. Само название иконы говорит, что Матерь Божия — наша Целительница и Заступница перед Господом, Покровительница сирот, обиженных, угнетенных и страждущих — призывает нас чаще взывать к Ней о помощи. Перед святым образом молятся в скорби и отчаянии, в недугах и поисках защиты. Уже в одном имени этой иконы заключено утешение.

Икона «Всех скорбящих Радость» прославилась в 1688 году в Москве. Как повествует старинная церковная летопись, Евфимия Петровна Папина, родная сестра Патриарха Иоакима, долгое время страдала от незаживающей раны в боку. Однажды утром во время молитвы она услышала голос: «Евфимия, отчего в страдании твоем не прибегаешь ты к общей Целительнице всех?» — Где же найти мне такую Целительницу?" — отвечала изумленная Евфимия. И в ответ услышала: «Есть в храме Преображения Сына Моего образ Мой, именуемый „Всех скорбящих Радость“. Призови к себе из этой церкви священника с этим образом, и когда он отслужит молебен с водосвятием, ты получишь исцеление. Не забывай же тогда Моего к тебе милосердия и исповедуй его в прославление имени Моего». 

Узнав, что такая икона действительно есть в Преображенском храме на Ордынке, Евфимия исполнила повеление Пресвятой Богородицы и избавилась от терзавшего ее недуга. Это произошло 6 ноября 1688 года. С того времени икона «Всех скорбящих Радость» начала являть многочисленные чудеса. 

Известие о чуде быстро распространилось по Москве. Люди, страдающие недугами и находящиеся в скорбях, стали молитвенно обращаться к Богородице и через Ее чудотворный образ «Всех скорбящих Радость» получать исцеление и избавление от бед. Вскоре было написано «Сказание об иконе». Церковь Преображения на Ордынке стала называться в народе не Спасо-Преображенской, а Скорбященской — по приделу, посвященному чудотворному образу. 

В 1711 году, при переезде царского двора в Санкт-Петербург, сестра царя Петра Первого царевна Наталия Алексеевна, благоговейно почитавшая чудотворную икону, взяла ее с собой в числе других реликвий. По другим сведениям, она увезла копию (список). В любом случае, обе иконы — и московская, и петербургская — в равной степени почитались как чудотворные. И в московской, и в петербургской церквах хранились ранние рукописные тексты службы и сказания об иконе.

Московская икона «Всех скорбящих Радость» с 1713 года находилась в устроенном для нее приделе в храме на Ордынке. Икона, которую вывезла царевна Наталья Алексеевна в Санкт-Петербург, была помещена в домовой церкви Воскресения Христова при ее дворце, за Литейным двором, на Шпалерной улице. Еще при жизни Наталии Алексеевны на иконе были закреплены частицы реликвий и мощей святых, выполнен серебряный оклад, украшенный фамильными драгоценностями царевен. В 1713 году при дворце была устроена богадельня, к которой и стал относиться храм после смерти царевны в 1716 году. Во время эпидемии оспы в 1768 году императрица Екатерина II ходила к иконе на богомолье, перед тем как сделать прививку от болезни себе и наследнику Павлу Петровичу. В 1817–1818 годах церковь была полностью перестроена, икона установлена в особой нише, справа от иконостаса. Она стала одной из главных святынь Северной столицы, с нее делали многочисленные списки. 

Известны разные иконографические виды иконы «Всех скорбящих Радость». Образ из московского храма на Большой Ордынке изображает Богородицу с Божественным Младенцем, над Ними парят Ангелы. Особенностью этой иконы является изображение ряда святых во главе с преподобным Сергием Радонежским, на лентах — тексты с молитвенными наименованиями благодатной помощи от Богоматери. Существует немало списков с чудотворного образа, где Пречистая Дева изображается без Младенца. 

Известны многочисленные копии образа Богородицы «Всех скорбящих Радость», находящиеся в различных городах России. Некоторые из них имеют свои дни празднования. Хорошо известна икона «Всех скорбящих Радость» (с грошиками) из Тихвинской часовни у стеклянного завода в Санкт-Петербурге (празднование 5 августа). В настоящее время этот чудотворный образ находится в Троицком храме Северной столицы, известном также под названием «Кулич и Пасха». Икона была принесена сюда частными лицами, которые сохранили ее после закрытия часовни в 1934 году. 
В Даниловом монастыре можно помолиться перед святым образом «Всех скорбящих Радость», который находится в храме преподобного Серафима Саровского. 

Тропарь Божией Матери пред иконой Ее «Всех скорбящих Радость», глас 4-й

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибaем от множества прегрешений, не отврати Твоя рабы тщи, Тя бо и едину надежду имамы.

Стихира, певаемая вместо тропаря, глас 2

Всех скорбящих Радосте, и обидимых Заступнице, и алчущих Питательнице, странных утешение, обуреваемых пристанище, больных посещение, немощных покрове и Заступнице, жезле старости, Мати Бога Вышняго Ты еси, Пречистая: потщися, молимся, спастися рабом Твоим.

Кондак Божией Матери пред иконой Ее «Всех скорбящих Радость», глас 6-й

Не имамы иныя помощи, не имамы иные надежды, разве Тебе, Владычице, Ты нам помози: на Тебе надеемся и Тобою хвалимся, Твои бо есмы рабы, да не постыдимся.

Акафист Пресвятой Богородице пред иконой Ее «Всех скорбящих Радость»

Кондак 1

Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим матерним пред Ним ходатайством, благодарственая восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих: 
Радуйся, Благодатная Богородице Дево, всех скорбящих Радосте.

Икос 1

Ангел предстатель послан бысть с Небесе рещи Богородице: радуйся, возвещая Божественным воплощением Христовым хотящую родитися от Нея Радость всему миру, в скорби погибающу. Темже и мы, грехми обремененнии, надежду спасения в Тебе улучивше, умильно взываем Ти:
Радуйся, Божие ко грешным благоволение; радуйся, кающихся пред Господом Богом крепкое заступление. 
Радуйся, падшаго Адама воззвание; радуйся, слез Евиных избавление.
Радуйся, греховную отъемлющая скверну; радуйся, бане, омывающая совесть. 
Радуйся, рождшая Избавителя, беззакония наша туне очищающаго; радуйся, всечудное всех к Богу примирение. 
Радуйся, мосте, воистину преводяй нас от смерти к животу; радуйся, мир от потопа греховнаго спасшая. 
Радуйся, лествице небесная, Еюже Господь к нам сниде; радуйся, вина всех обожения. 
Радуйся, Благодатная Богородице Дево, всех скорбящих Радосте.

Кондак 2

Видяще токи чудес, изливаемыя от святыя Твоея иконы, благая Богородительнице, яко Ты еси молящихся благая помощница, обидимых заступница, ненадеющихся надежда, печальных утешение, алчущих кормительница, нагих одеяние, девственных целомудрие, странных наставница, труждающихся помощь, слепых прозрение, глухих благослышание, больных исцеление, благодарственне вопием о Тебе Богу: Аллилуия.

Икос 2

Разум недоразуменный находящих на ны лютых скорбей разумети ищуще, к Тебе прибегаем, о Мати и Дево, утешения требующе. Ты же, Яко благая, научи ны разумети в них благаго Сына Твоего милосердое промышление во спасение душ наших и очищение многих согрешений, да взываем Ти радостно:
Радуйся, обуреваемых тихое пристанище; радуйся, сумнящихся известное утверждение.
Радуйся, едина Мати милосердия; радуйся, скорая помощнице сущим в бедах и напастех.
Радуйся, скорбьми грехи наша очищающая; радуйся, печалию наша немощи душевныя врачующая.
Радуйся, суетныя радости мира сего презирати нас научающая; радуйся, от мира к премирным ум наш возводящая.
Радуся, от любве земныя к небесней Божией любви нас привлекающая; радуйся, в самых страданиях наших утешение и благодатную жизнь нам подающая.
Радуйся, обетование благ вечных; радуйся, Ходатаице вечныя радости. 
Радуйся, Благодатная Богородице Дево, всех скорбящих Радосте.

Кондак 3

Силою свыше укрепи мя, благая Владычице, недугующа телом и душею, и посещения Твоего сподоби и промышления, мрак уныния и скорби, облежащий мя, отгоняюще, да спасаемый Тобою, непрестанно вопию Богу: Аллилуия.

Икос 3

Имущи богатство милосердия неизреченное, всем скорбящим руку помощи простираеши, недуги врачующи, страсти исцеляющи. Не презри и мене, благая Владычице, на одре немощи моея низлежаща и вопиюща Ти:
Радуйся, милости сокровище многоценное; радуйся, отчаянных едина надеждо. 
Радуйся, тела моего врачевание; радуйся, души моея спасение. 
Радуйся, твердая крепосте немощных; радуйся, изнемогающих заступнице и укрепление.
Радуйся, гнев Божий Твоим молением скоро утоляющая; радуйся, страсти наша силою молитв Твоих укрощающая. 
Радуйся, слепых зрение, глухих слышание; радуйся, хромых хождение, немых глаголание. 
Радуйся, болящих благонадежное посещение; радуйся, яко Тобою по мере веры подаются благодатная исцеления всем немощствующим. 
Радуйся, Благодатная Богородице Дево, всех скорбящих Радосте.

Кондак 4

Буря многих бед и напастей обдержит мя, и волнения не ктому терплю: Ты же, Яко милостивая Мати Спаса моего и Бога, воздвигни руце к Сыну Твоему, молящи Его, да призрит на лютую скорбь сердца моего и воздвигнет мя из пучины отчаяния, вопиющаго Ему: Аллилуия.

Икос 4

Слышащи, Пресвятая Дево и Мати, Симеона праведнаго проречение: Тебе же Самой душу пройдет оружие, слагала еси в сердце Твоем вся глаголы сия, разумевающи, яко радость матерняго сердца о чадех многих печалей в мире сем бывает причастна. Темже, яко искушенней по всяческим и спострадати матерней скорби могущей, взываем Ти:
Радуйся, радость миру Христа Спасителя рождшая; радуйся, мир от скорбей избавляющая. 
Радуйся, хуления и клеветы на Сына Твоего терпевшая; радуйся, страданием Его спострадавшая. 
Радуйся, скорбных матерей утешение; радуйся, ад их благодатное охранение. 
Радуйся, в бедах скорое нам заступление; радуйся, заблуждших исправление. 
Радуйся, младенцев питание; Радуйся, юных наставление. 
Радуйся, Мати сиротствующих; Радуйся, вдов заступление.
Радуйся, Благодатная Богородице Дево, всех скорбящих Радосте.

Кондак 5

Боготочную Кровь Сына Твоего, на Кресте за спасение наше изливаемую, зрящи, яко Раба Господня, смиренно воли Отца, Иже на небесех, повинующаяся, намо браз злострадания и терпения явила еси, да и мы, в пещи искушений и бед сущии, вопием смиренно Богу: Аллилуия.

Икос 5

Видя Тя Сын Твой и Бог при Кресте стоящую с возлюбленным учеником и сердцем Ему сраспинающуюся, глаголаше: Жено, се сын Твой, и ученику: се, Мати твоя, всыновляя Тебе вся верующия в Него. Мы же, яко общницы скорби и страданий Сына Твоего, имеюще в Тебе благую Матерь, на Тя все упование в скорби возлагающе, вопием Ти:
Радуйся, Мати рода христианскаго; радуйся, усыновившая нас при Кресте Сына Твоего.
Радуйся, Бога с человеки соединившая; радуйся, верных Господеви сочетавшая.
Радуйся, Агнице, рождшая Агнца, вземшаго грехи мира; радуйся, чаше, черплющая нам радость от Источника безсмертия. 
Радуйся, споручнице спасения грешных; радуйся, взыскание погибших. 
Радуйся, нечаянная грешных радосте; радуйся, падших востание. 
Радуйся, целительнице всех немощей; радуйся, утоление всякия печали. 
Радуйся, Благодатная Богородице Дево, всех скорбящих Радосте.

Кондак 6

Проповеуют милости Твоя, Богомати, вси концы вселенныя, ибо честным покровом Твоим покрываеши весь род христианский, о немже непрестанно молишися Христу Спасителю нашему и избавляеши от всех бед благонравныя и богобоящияся рабы, верно вопиющия Богу: Аллилуия.

Икос 6

Возсия благодать светозарная от пречудныя иконы Твоея, Богомати, пред неюже со слезами припадающе, молим Ти ся: отжени облак нашедших на ны искушений, да вопием Ти радостно:
Радуйся, приносящая к Сыну Твоему и Богу моления верных; радуйся, и Сама у Престола Сына Твоего непрестанно молящаяся о нас. 
Радуйся, предстательнице к Богу, мир от бед спасающая; радуйся, заступнице рода христианскаго, от Бога нам дарованная. 
Радуйся, древо благосеннолиственное, имже покрываются мнози; радуйся, древо светлоплодовитое, имже питаются вернии. 
Радуйся, покрове миру, ширший облака; радуйся, земле обетования, из неяже течет мед и млеко. 
Радуйся, светлый облаче, верныя непрестанно освещающий; радуйся, столпе огненный, наставляяй избранныя к небесному наследию. 
Радуйся, ниво, растящая обилие щедрот; радуйся, подательнице всякия благости. 
Радуйся, Благодатная Богородице Дево, всех скорбящих Радосте.

Кондак 7

Хотящи явити токи чудес от Своея иконы, Всех скорбящих Радости, повелела еси, Владычице, болящей Евфимии молебная пения пред тою совершати, и получивши исцеление, всем проповедати милости, ради тоя иконы явленныя, да не сокрыт будет источник благодатных изцелений всем требующим. Темже и мы не таим Твоих благодеяний, но благодарственне прославляюще Бога, вопием Ему: Аллилуия.

Икос 7

Новая купель Силоамская паче оныя древния явися, Пречистая Владычице, храм Твой, в немже покланяемся чудотворней иконе Твоей: Ибо не единою в лето и токмо первее входящим здравие тела подаеши, но всегда всякий недуг и всякую язву душевную и телесную врачуеши с верою и любовию к Тебе прибегающих. Сего ради вопием Ти:
Радуйся, купель, в нейже вся скорби наша погружаются; радуйся, чаше, Еюже радость и спасение восприемлем.
Радуйся, каменю, напоивший жаждущия жизни; радуйся, древо, услаждающее сланыя воды житейскаго моря. 
Радуйся, животворныя воды неистощимый источниче; радуйся, бане, омывающая греховную скверну. 
Радуйся, скорбей наших услаждение; радуйся, печалей наших утоление.
Радуйся, болезней наших врачевание; радуйся, бед избавление.
Радуйся, демонов попрание; радуйся, врагов посрамление. 
Радуйся, Благодатная Богородице Дево, всех скорбящих Радосте.

Кондак 8

Странницы и пришельцы вси есмы на земли сей, по глаголу апостолову: беды от врагов, беды от сродник, беды от лжебратии терпяще в лишениих многих и скорбех. Ты же, Владычице, Яко Благая Одигитрие, настави нас к тихому пристанищу, и моли Сына Твоего прощению прегрешений нам прежде конца дароватися, да непрестанно вопием Богу: Аллилуия.

Икос 8

Все житие наше на земли болезненно и печали исполнено от клеветы, досаждения, укорения и иных многовидных бед и напастей: немощствует бо тело, изнемогает и дух наш. К Тебе убо прибегаем, Богомати, пред пречистою иконою Твоею припадающе, исполни радости и веселия скорбная сердца наша, да вопием Ти:
Радуйся, путеводительнице, к небесному отечеству нас руководящая; радуйся, Царице неба и земли, врата райская нам отверзающая. 
Радуйся, милостивая, нас милующая; радуйся, домостроительнице, житие наше добре устрояющая. 
Радуйся, руно орошенное, еже Гедеон предвиде; радуйся, блаженное чрево, невместимаго всеми Бога вместившее.
Радуйся, купино неопалимая; радуйся, нерушимая стено. 
Радуйся, живоносный источниче; радуйся, цвете неувядаемый.
Радуйся, умягчение злых сердец; радуйся, умиление благих. 
Радуйся, Благодатная Богородице Дево, всех скорбящих Радосте.

Кондак 9

Всякая житейская в мире сем сладость печали бывает причастна: слава не стоит, богатство мимотечет, лепота и здравие увядают, друзи и искреннии смертию отъемлются. Услади убо наша скорби, благих виновная, Твою нетленную дающи радость нам, вопиющим Богу: Аллилуия.

Икос 9

Ветии многовещаннии недоумеют, киими словесы скорбящия утешати, но Сама, Владычице, возглаголи сердцам нашим утешение, благодати Твоея лучами облак скорби нашея и мрак уныния разгоняющи, да взываем Ти:
Радуйся, обрадовавшая надеянием на Тя всех христиан; радуйся, радосте и умирение миру.
Радуйся, подательнице Божественныя благости; радуйся, надеждо благ вечных. 
Радуйся, кораблю хотящих спастися; радуйся,пристанище житейских плаваний.
Радуйся, верная хранительнице уповающих на Тя по Бозе; радуйся, одеждо нагих дерзновения. 
Радуйся, хранительнице всех и утверждение; радуйся, всех верных ограждение и священное прибежище.
Радуйся, помоще верно молящихся Тебе; радуйся, светлое благодати познание. 
Радуйся, Благодатная Богородице Дево, всех скорбящих Радосте.

Кондак 10

Спасти хотяй род человеческий от вечныя муки и непрестающия скорби, Человеколюбец Господь в приснодевственную утробу Твою вселися и Тебе, Матерь Свою, дарова погибающим в помощь, покров и защищение, да будеши печальным утешение, скорбящим радование, отчаянным надежда, вечныя муки Своим ходатайством избавляющая и к небесному веселию приводящая всех, верно вопиющих Сыну Твоему и Богу нашему: Аллилуия.

Икос 10

Стена еси девам, Богородице Дево, и всем к Твоему покрову прибегающим. Темже молим Тя: заступи, покрый и соблюди всех сирых и безпомощных от искушений, озлоблений и бед, Тебе с любовию взывающих:
Радуйся, столпе девства; радуйся, чистоты и целомудрия сосуде избранный. 
Радуйся, воинствующим на плоть целомудрием изрядное венчание; радуйся, во иночестве благоскорбящим подательнице вечнаго радования.
Радуйся, пламень страстей изменяющая; радуйся, мрак искушений прогоняющая.
Радуйся, наставнице целомудрия; радуйся, чистоты ограждение. 
Радуйся, исправление человеков; радуйся, Еюже от падения востахом. 
Радуйся, твердое веры утверждние; радуйся, приятное молитвы кадило. 
Радуйся, Благодатная Богородице Дево, всех скорбящих Радосте.

Кондак 11

Пение всеумиленное приносим Ти, раби Твои, Богородице, яко всесильней заступнице рода нашего: утоли болезни многовоздыхающих душ наших, укроти гнев Божий, праведно на ны движимый грех ради наших, избави нас от всякия лютыя скорби и болезни, вопиющих о Тебе Богу: Аллилуия.

Икос 11

Светоприемная свеща, углем благодати Божия возжженная, явися нам пречестная икона Твоя, Владычице, на освящение наше и утешение. Мы же, любовию чтуще ю и с верою припадающе к ней, вопием Ти:
Радуйся, сильным Твоим заступлением от всех бед нас избавляющая; радуйся, от труса и потопа нас защищающая. 
Радуйся, от глада душевнаго и телеснаго нас снабдевающая; радуйся, огнь росою молитв Твоих угашающая. 
Радуйся, от смертнаго губительства нас спасающая; радуйся, в бранех крепкая помощнице. 
Радуйся, от нашествия иноплеменных нас ограждающая; радуйся, от междоусобныя брани охраняющая. 
Радуйся, плавающих легкое по водам прехождение; радуйся, путешествующих добрая водительнице. 
Радуйся, пленных свобождение; радуйся, от належащаго праведнаго прещения Божия скорое избавление. 
Радуйся, Благодатная Богородице Дево, всех скорбящих Радосте.

Кондак 12

Благодати залог восхотевши дати роду нашему, цельбоносную икону Твою явила еси нам, Богомати, от неяже токи чудес с верою приходящим источаются, недузи врачуются и скорби утоляются. Сего ради радостно о Тебе вопием Богу: Аллилуия.

Икос 12

Поюще Твоя милости и чудеса, Богородительнице, хвалим Тя вси, яко твердую предстательницу нашу, и со умилением покланяемся Тебе, молящейся о нас, и просим: воздвигни руце к Сыну Твоему, да всегда в сей жизни и по смерти нашей милосердие Его неотступно будет от нас, взывающих Ти:
Радуйся, непостыдное наше упование в животе и по преставлении нашем; радуйся, уповающим на Тя мирен конец жития сего подающая. 
Радуйся, в день судный наша надеждо и защищение; радуйся, Судии праведнаго умоление. 
Радуйся, геенны вечныя избавление; радуйся, надеждо вечнаго спасения. 
Радуйся, ключу Царствия Христова; радуйся, двере райская. 
Радуйся, мосте, к небесем приводяй; радуйся, всех кающихся грешников прибежище и благая заступнице.
Радуйся, Ангелов радосте; радуйся, всех праведных славо и утешение.
Радуйся, Благодатная Богородице Дево, всех скорбящих Радосте.

Кондак 13

О Всепетая Богообрадованная Мати, рождшая на радость небу и земли Царя Христа, Бога нашего! Услыши глас скорбящих раб Твоих, и приемши сие малое моление наше, избави нас от всяких бед, скорбей и напастей; недуги наша исцели, напрасныя клеветы потреби, всяку злобу и вражду отжени от нас и будущия изми муки о Тебе вопиющих: Аллилуия.

Этот кондак читается трижды, затем 1-й икос и 1-й кондак.

Молитва

О Пресвятая Владычице Богородице, вышшая Херувим и честнейшая Серафим, Богоизбранная Отроковице, всех скорбящих Радосте! Подаждь утешение и нам, в скорби сущим: разве бо Тебе иного прибежища и помощи не имамы. Ты едина еси радости нашея ходатаица, и Яко Матерь Божия и Мати милосердия, предстоящи у Престола Пресвятыя Троицы, можеши нам помощи: никтоже бо притекаяй к Тебе посрамлен отходит. Услыши убо и нас, ныне в день скорби пред Твоею иконою припадающих и со слезами Тебе молящихся: отжени от нас належащия на нас скорби и печали в сей временней жизни, не лишены же ны сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.